१६ जेठ २०८१, बुधबार
29-05-2024 , Wed
×

मोरङ कारागारका कैदीबन्दी आन्दोलित

जेलर धुब्रप्रसाद कोइरालाले हरेक चिजमा नजरना मागेको आरोप
Logo
नमो अनलाईन प्रकाशित सोमबार, जेठ ०१, २०८०

हरिनगर । मोरङ कारागारका कैदीबन्दी आन्दोलित भएका छन् । जेलर धुब्रप्रसाद कोइरालाले आफुहरूलाई अनावश्यक दुःख दिने गरेको भन्दै उनीहरू आन्दोलित भएका हुन् ।

विरामी भएर उपचारमा जान खोज्दा समेत कोइरालाले रकम माग्ने, नदिएमा उपचारका लागि जान समेत नदिने गरेको उनीहरूले बताएका छन् । सोमबार कारागारका कैदीबन्दीले टाउकोमा कालो पट्टी बाँधेर कोइरालाविरुद्ध आन्दोलित भएका हुन् ।

उनीहरूले ‘घुसखोर, भ्रष्ट्राचारी, कमिसनखोर जेलर चाहिँदैन’, ‘उपभोग्य बस्तु खरिद गर्न चौकीदारलाई बाहिर जान दिनैपर्छ’, ‘मोरङ कारागारबाट भ्रष्ट्राचार जेलरको तत्काल सरुवा गर’, ‘कारागारभित्र आउने र कारागारबाट जाने उपभोग्य बस्तुमा जेलरले कमिसन माग्न पाइँदैन’, ‘उपचार गर्न जाँदा रकम माग्न पाईँदैन’ लगायतका नारा लेखिएका प्लेकार्ड पनि लगाएका छन् ।

केहीदिन अगाडी १२ जना कैदीबन्दीहरूले उपचारको लागि सहजिकरण गरिदिन माग राख्दै मानव अधिकार आयोग, नेपाल पत्रकार महासंघ कोशी प्रदेशसहित आधा दर्जन बढी निकायमा पत्र पठाएका थए ।

पुर्पक्षका लागि मोरङ कारागारमा रहेका शेहँसा सिद्दिकी ९अव्दुल खताव०, रफुल मियाँ, दिपक दास, बलबहादुर नेपाल, ओम प्रकाश मण्डल, अक्षय मण्डल, साहिद मियाँ, काजीमान पुरी, शक्ति मण्डल, मो जहाँगिर लगायतले बारम्बार कारागार प्रशासनलाई चिठ्ठी पठाउँदा समेत जेलर कोइरालाले कुनै हस्पिटल जान नदिएको भन्दै उनीहरूले आधा दर्जन बढी निकायमा पत्र पठाएका थिए ।

उनीहरूले पठाएको पत्रमा ‘कारागार प्रसाशनले उपचारका लागि पत्र दिएता पनी रकम नबुझाए पछी जेलरले हस्ताक्षर गर्दैनन् । उपचार गर्नका लागि जान पटक पटक पत्र पठाएता पनी रकम माग्ने गरेको र नदिए सम्म उपचारमा जान नपाउने गरेका छौं’ भनि लेखिएको थियो ।

यता मोरङ कारागारका जेलर कोइरालाले भने यस विषयमा आफुलाई जानकारी नभएको बताएका छन् । यो विषयमा खुलेर बोल्न नचाहेका उनले कैदीबन्दी आन्दोलित भएको विषयमा पनि बोल्न चाहेनन् ।

उनले कैदीबन्दीलाई स्वास्थ्यमा समस्या देखिएको खण्डमा कोसी अस्पतालमा चेकजाँच हुने र त्यहाँ समस्या समाधान नभएको खण्डमा अस्पतालले रिफर गरिदिएपछि मात्रै अन्यन्त्र लगिने गरेको बताए ।

कैदीबन्दी आन्दोलित हुँदा उपचारको लागि ९ जना कैदीबन्दी पनि उपचारमा जान नपाएका उनले बताए । महिला पुरुष गरेर तीन सय क्षमता रहेको मोरङ कारागारमा सोमबारसम्म १ हजार ६३ कैदीबन्दी छन् । जसमा ५० जना क्षमता रहेको महिला कारागारमा ११० जना छन् भने तीन सय क्षमता रहेको पुरुष कारागारमा ९५३ जना कैदीबन्दी छन् ।

कमेन्ट गर्नुहोस्
सम्बन्धित

काठमाडौं । सरकारले भूकम्पपछिको पुनर्निर्माणका लागि २१ अर्ब ६० करोड बजेट विनियोजन गरेको छ। आगामी आवको बजेट प्रस्तुत गर्दै अर्थमन्त्री वर्षमान पुनले जाजरकोट, डोटी र बझाङ केन्द्रविन्दु भएर गएका भूकम्पपछिको पुनर्निर्माणलाई प्राथमिकतामा राखिएको बताए। पुनर्निर्माणका लागि एकीकृत तथ्यांक संकलन गरिनेछ। विपत् प्राधिकरणको तथ्यांकअनुसार १५ जिल्लामा निजी आवाससँगै सरकारी भवन पुनर्निर्माण गर्नुपर्नेछ।

काठमाडौं । सरकारले विदेशी पर्यटकलाई नेपालमा विवाह गर्न प्रोत्साहन गर्ने भएको छ । संघीय संसदमा आगामी आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले उक्त घोषणा गरेका हुन् । जनकपुरलाई वेडिङ र लुम्बिीनीलाई बर्थिङ हबका रुपमा विकास गरिने कार्यक्रम बजेटमा समावेश गरिएको अर्थमन्त्रीले बताए ।

कुनै पनि शुभ कार्य गर्दा सवैभन्दा पहिले भगवान गणेको पूजा गरिन्छ । मंगलाचरणको शुरुवात नै श्री गणेशाय नमः बाट शुरु हुन्छ । भगवान गणेशको पूजा गर्नाले सुख शान्ति र समृद्धि छाउने विश्वास गरिन्छ । धन तथा बैभवको हिसावमा मंगलबार शुभ मानिन्छ । मंगलबार व्रत बसेर पूजा आराधाना गर्नाले मनोकामना पूरा हुने विश्वास गरिन्छ । सुख, […]