तस्विर : नमो अनलाईन
हरिनगर । राष्ट्रिय कर दिवस २०८० को समापनका अवसरमा आन्तरिक राजस्व विभागले आज एउटा कार्यक्रम गरी उत्कृष्ट करदाताहरुलाई सम्मान प्रदान गरेको छ। गत आर्थिक वर्ष २०७९/८० मा विभिन्न १६ विधामा सर्वाधिक कर तिर्ने कम्पनीलाई अर्थमन्त्री डा. प्रकाशशरण महतले आज सम्मान गरेका हुन् । स्वास्थ तथा शिक्षा तर्फ सवै भन्दा बढी कर तिरे वापत नोबेल मेडिकल कलेज टिचिङ हस्पिटल सम्मानित बनेको छ ।
आन्तरिक राजस्व विभागले हरेक वर्ष उत्कृष्ट करदातालाई सम्मान गर्दै आएको छ । नोवेल मेडिकल कलेज टिचिङ्ग हस्प्टिलले आ. व. २०७३/७४, २०७६/७७, २०७७/७८ मा पनि स्वास्थ्य तथा शिक्षा तर्फ सवै भन्दा बढी कर तिरे वापत सम्मानित बनि सकेको छ ।
