तस्विर : फाईल
देवानगञ्ज । राष्ट्रपति रामचन्द्र पौलेलले देवानगञ्ज गाउँपालिकाको पुर्व अध्यक्ष एवं नेपाली काँग्रेसका नेता लालीप्रसाद मेहताको निधनप्रति गहिरो समवेदना व्यक्त गरेका छन् ।
राष्ट्रपति पौडेलले समवेदना पत्र जारी गरी देवानगञ्ज गाउँपालिकाका पूर्व अध्यक्ष मेहताको निधनप्रति गहिरो समवेदना व्यक्त गरेका हुन् ।
राष्ट्रपति पौडेलले मेहताको निधनप्रति दुखः व्यक्त गर्दै मेहताले पञ्चायतकालका कठिन दिनमा लोकतन्त्र पुनःस्थापनाका लागि भएका हरेक संघर्षमा आफुलाई सदैव अग्रपंक्तिमा राखेर आफ्नो राजनीतिक दर्शन, सिद्धांत र संगठनको सुदृढीकरणमा पुर्याउनुभएको योगदानको प्रशंसा गर्नु भएको छ ।
राजनीतिलाई समाजसेवाको माध्यम बनाउनु पर्छ भन्ने मान्यताका मेहता सहयोगी, मिलनसार तथा लोकतन्त्रप्रति प्रतिबद्ध एक राजनीतिक कार्यकर्ताको रुपमा यस क्षेत्रमा पुर्याएको योगदान भावी पुस्ताकोलागी अनुकरणीय रहेको बताउनु भएको छ ।
दु:खको यस घडीमा मेहताको आत्माको चिर शान्तिको कामना सहित हार्दिक श्रद्धाञ्जली अर्पण गर्नुभएको छ । साथै शोकाकुल परिवारजन र आफन्तजनप्रति हार्दिक समवेदना समेत व्यक्त गर्नु भएको छ ।
