तस्विर : नमो अनलाईन
विराटनगर । समाजिक अभियन्ता अभिषेक गिरीले सोमवार भारतबाट नेपाल आउँदै गरेका पर्यटकहरुलाई रानी-जोगबनी बोर्डरमा स्वागत गरेका छन् ।
नयाँ बर्ष २०२४ र टोपी दिवसको अवसर पारेर समाजिक अभियन्ता गिरीले भारतीय पर्यटकलाई खादा लाएर स्वागत सम्मान गरेका हुन् ।
नेपाल-भारत बिचको रोटी-बेटिको सम्बन्धलाई थप बल दिन गिरी फाउंडेशनले आज बिहान रानी नाकाबाट नेपाल भित्रिन लागेको पर्यटकहरुलाई स्वागत गरेका थिए । नेपाल-भारतको सम्बन्ध सदियौँ देखि चलि आएकोले यसलाई थप उत्साह दिन यस्तो किसिमको कार्यक्रम आयोजना गरेको गिरीले बताए । आगामी दिनहरुमा समेत सम्बन्धलाई बलियो बनाउने खालको काम गरि रहने समेत बताउनु भयो ।
नयाँ बर्ष २०२४ को अवसरमा नेपाल घुम्न आउने पर्यटकहरुलाई गिरीले स्वागत गर्दा प्रर्यटकहरु निकै खुसी भएका थिए ।
भारतीय पर्यटकलाई नेपाल प्रवेश गर्दा सुरक्षा निकायले सास्ती दिएको गुनासो आउने गरेको अवगत गराउँदै गिरीले यसो नगरिदिन प्रहरीसमक्ष आग्रह समेत गरे ।
कार्यक्रममा सशस्त्र प्रहरीका डिएसपी महेश केसी, विराटनगर महानगरपालिका-१५ का वडाध्यक्ष प्रकाश साहलगायत सहभागी थिए ।
