०३ आषाढ २०८१, आइतबार
16-06-2024 , Sun
×

बसको ठक्करबाट बालकको मृत्यु भएपछि प्रहरीको गाडीमा तोडफोड

Logo
नमो संवाददाता प्रकाशित सोमबार, पुष १६, २०८०

दाङ। दाङमा बसको ठक्करबाट बालकको मृत्यु भएपछि आक्रोशित भीडले प्रहरीको गाडी तोडफोड गरेका छन्।

सोमबार अपराह्न तुलसीपुर उपमहानगरपालिका-१८ झिँगे नजिकै तुलसीपुर-घोराही सडकखण्डमा सार्वजनिक बसले ठक्कर दिँदा बालकको मृत्यु भएको हो।

घोराहीबाट तुलसीपुर तर्फ आउँदै गरेको भे १ ख ३६९७ नम्बरको बसको ठक्करबाट जनकल्यान मावी दुधरासमा कक्षा ३ मा पढ्ने ८ वर्षीय सागर चौधरीको घटनास्थलमै मृत्यु भएको हो।

विद्यालय बिदापछि घर जाँदै गरेका चौधरीलाई तुलसीपुर उपमहानगरपालिका–१८ मा बसले ठक्कर दिएको थियो।

दुर्घटनापछि आक्रोशित स्थानीयले प्रहरीको गाडीमा तोडफोड गरेका हुन्। प्रहरीले मृतक बालकको शव उठाउन खोजेको भन्दै स्थानीय आक्रोशित बनेका हुन्।

‘घोराहीस्थित जिल्ला अदालतमा बयान र म्याद थपका लागि लगिएका थुनावाहरू लिएर फर्किँदै गरेको हाम्रो गाडीमा तोडफोड र ढुंगामुढा भएको छ,’ एक प्रहरी अधिकारीले भने, ‘स्थिति नियन्त्रणमा लिन प्रयास भइरहेको छ।’

घटना लगत्तै चालक बस छोडेर भागेको प्रहरीले बताएको छ। विद्यालयबाट घर जान पैदल हिँडिरहेका ती बालकलाई अगाडिको टायरले किचेको थियो।

अहिले स्थानीयले तुलसीपुर–घोराही सडकखण्ड बन्द गराएका छन्।

बालकको शव पोष्टमर्टमको लागि तुलसीपुरस्थित राप्ति प्रादेशिक अस्पतालमा ल्याइएको छ।

कमेन्ट गर्नुहोस्
सम्बन्धित

काठमाडौं । १ बैशाख २०८१ को मिति । नयाँ वर्षको दिन । घरमा माहोल रमाइलो थियो । एकाबिहानै ३२ वर्षीय रोशन सिंह (नाम परिवर्तन) को ह्वाट्सएपमा आफ्नै बहिनीको नग्न फोटो तथा भिडिओ आयो । रोशन आफ्नो फोन घरमै छोडेर नियमित काममा गएका थिए । उक्त फोनमा परिवारका अन्य सदस्यको पनि पहुँच थियो । रोशन पेसाले […]

इनरुवा । सुनसरीको भाेक्राहा नरसिंह गाउँपालिकामा प्रथम महिला खाे-खाे प्रतियोगिता हुने भएको छ । भाेक्राहा नरसिंह गाउँपालिका चिराैली सुनसरीको सहयोग तथा प्रदेश स्तरीय खाे-खाे खेलकुद उपभोक्ता समितिको आयोजना र जिल्ला खाे-खाे संघ सुनसरीको सहकार्यमा उपाध्यक्ष प्रथम महिला आमन्त्रण राष्ट्रिय खाे-खाे प्रतियोगिता आयाेजना हुने भएको हाे । प्रतियोगिता जेठ २९ गतेदेखि ३१ गते सम्म संचालन हुने […]

झापा  । कोशी प्रदेश स्थित बी एन्ड सी मेडिकल कलेजले अन्ततः सम्बन्धन पाउने भएको छ । सर्वोच्च अदालतले बिहीबार चिकित्सा शिक्षा आयोग र काठमाडौं विश्वविद्यालयको नाममा परमादेश जारी गरेसँगै सम्बन्धन पाउने भएको हो । न्यायाधीशद्वय डा. कुमार चुँडाल र सारंगा सुवेदीको संयुक्त इजलासले १५ दिनभित्र सम्बन्धन दिन परमादेश जारी गरेका हुन् । सर्वोच्चले यसअघि १२ चैत, २०८० मा […]