तस्विर : न्यानो लुगा वितरण गर्दै गरेको अवस्थामा गिरी
बिराटनगर । समाज सेवामा सक्रिय रहेका अभिषेक गिरिले कोसी अस्पतालमा उपचाररत कैदीबन्दीलाई कम्बल वितरण गरेका छन् । गिरिले बिहीबार आफ्नो गिरि फाउन्डेसनमार्फत कैदीबन्दीलाई जाडोमा न्यानो आभास दिलाउन कम्बल वितरण गरेका हुन् ।
मोरङ कारागारबाट उपचारका लागि कोसी अस्पतालमा भर्ना भएका कैदीबन्दी कम्बल अभावका कारण चिसोको सिकार भइरहेको गुनासो आएपछि न्यानो कम्बल वितरण गरिएको गिरिको भनाइ छ । अस्पतालमा कैदीबन्दीलाई विभेद र उपचारमा लापरबाही भइरहेकाले सबै बिरामीलाई समान व्यवहार गर्न अस्पताल प्रशासनसमक्ष आग्रह गरिएको उनले बताए ।
गिरिले पहिलो चरणमा १० जना कैदीबन्दीलाई १० थान कम्बल बाँडेका थिए । कम्बल पाएपछि कैदीबन्दीले गिरीप्रति आभार ब्यक्त गरे ।
साथै, गिरिले कोसीमा उपचाररत बिरामी कैदीबन्दीलाई उपचारमा विभेद नगर्न आग्रहसहित मेडिकल सुपरिटेन्डेन्ट डा. चन्द्रभाल झासँग भलाकुसारी गरेका छन् । अस्पतालका बेथिति र अनियमिततालाई निराकरण गर्नेगरी काम गर्न सुझाव दिँदै उनले अस्पताल सुध्रिएमा मेसुकै नाम कहलिने उल्लेख गरे ।
गिरि पछिल्लो समय सामाजिक काममै तल्लीन देखिएका छन् । समाजसेवामै सक्रिय रहने अभिप्रायका साथ उनले गिरि फाउन्डेसनको स्थापना गरेका छन् ।
