तस्विर : नमो अनलाईन
बर्जु । सुनसरीको ऐतिहासिक बर्जुतालमा विगतको वर्षझै यस वर्ष पनि हुन गई रहेको बर्जु महोत्सव २०८० को सम्पूर्ण तयारी पुरा भएको छ ।
बर्जु सामुदायिक विकास केन्द्र बर्जु ६ चिमडीको आयोजनामा २०८० पुष २७ गते देखि माघ ११ गते सम्म हुन गई रहेको पाचौं बर्जु महोत्सव २०८० को सम्पुर्ण तयारी पुरा भएको बिहिबार पत्रकार सम्मेलन गर्दै जानकारी दिएको हो ।
१५२ बिघा क्षेत्रफलमा फैलिएको चिमडी बर्जु ताल सिमसार क्षेत्र प्रचारप्रसारका कारण ओझेलमा रहेको हुदाँ बिगत ४ बर्ष देखि बर्जु महोत्सव आयोजना गर्दै आइरहेकोले ब्यापक रुपमा प्रचारप्रसार भई राष्ट्रिय तथा अन्तराष्ट्रिय रुपमा आज बर्जु ताल चिनिन थालेका छन् ।
जस कारण हजारौको संख्यामा जाडोयाममा मानिसहरु पिकनिक खान र घुम्न आउने गरिरहेको छ त्यसैमा थप प्रचारप्रसार र पर्यटन प्रबर्द्धन गर्ने उदेश्यले पाँचौ बर्जु महोत्सव आयोजना गरिएको महोत्सवका अध्यक्ष श्रवण चौधरीले जानकारी दिनुभयो।
मिति २०८० पौष २७ गते देखि माघ ११ गते सम्म तालको १ नं। गेटको छेउमा बिधिबत रुपमा पौष २७ गते शुक्रबार दिउसो २ बजे सुनसरी क्षेत्र नं। ३ बाट निर्वाचित संघिय सांसद माननिय भगबती चौधरीको प्रमुख आतिथ्यमा उदघाटन गरिने कार्यक्रम रहेको आयोजकले जनाएको छ ।
महोत्सवको आकर्षणको रुपमा नेपालका ख्याती प्राप्त कालाकारहरु द्वारा प्रत्येक दिन राति १० बजे सम्म सांस्कृतिक कार्यक्रम रहने छ जस्मा राष्ट्रीय कलाकार धुरमुस, सुन्तली, ज्योती मगर, मुस्कान चौधरी, सुशिला कार्की, प्रिती पासवान, भगवत मण्डल, निरुता साह र माही मनिषाका साथै स्थानिय कलाकारहरुको प्रस्तुति रहनेछ । प्रत्येक दिन दिउसो ३ बजे देखि दंगल अथार्त कुस्ती नेपाल र भारतका पहलवानहरुको रहने छ। खानाका पार्खीहरुका लागि बिभिन्न स्टल गरि जम्मा ३० वटा स्टलहरु रहनेछ । त्यस्तै मनोरञ्जनात्मक खेलहरु झुला, रोटे पिङ, ड्रागन रेल, मिक्की माउस, आदी रहनेछ ।
त्यस्तै कार्यक्रमलाई सभ्य र भव्य बनाउन महोत्सव भित्र जाडरक्सी बेचबिखन गर्न तथा सेवन गरेर प्रवेश गर्न पुर्णरुपमा प्रतिबन्ध लगाउने आयोजकले जनाएको छ ।
यता ब्यवस्थापन पक्षमा आयोजकले १०० जना स्वमसेवकको ब्यवस्थापन गरेको छ । शान्ती सुरक्षाको लागि नेपाल प्रहरी र सशत्र प्रहरीहरु पनि रहनेछ । महोत्सवको निगरानीका लागि १० थान सिसि क्यामरा जडान गरेको छ ।
ध्चष्तभ तय द्यचबजबmमभख ःभजतब
