०३ आषाढ २०८१, आइतबार
16-06-2024 , Sun
×

करको दर घटाएर आम्दानीको लक्ष्य बढाउँदै इटहरी उपमहानगर

Logo
नमो अनलाईन प्रकाशित मंगलबार, माघ ०२, २०८०

तस्विर : फाईल

इटहरी । इटहरी उपमहानगरपालिकाले आर्थिक ऐन २०८०/८१ लाई संशोधन गर्ने तयारी गरेको छ । वृद्धि भएको राजस्व, शुल्क तथा जरिवानाको विरोध भएपछि उपमहानगरपालिकाले आगामी नगर सभा मार्फत करको दर घटाउने तयारीमा लागेको हो ।

पौष मसान्त सम्म इटहरी उपमहानगरपालिकाको आन्तरिक आम्दानी १७ करोड ५५ लाख मात्र छ । जसले चालु खर्च मात्र पनि व्यवस्थापन गर्न समस्या पर्ने देखिन्छ ।

मुख्यतः दस्तुर जरिवाना र एकीकृत सम्पत्ति करको दर घटाए पनि आम्दानीको लक्ष्य बढाउन लागेको छ ।यसअघि ६८ करोड १४ लाख अनुमान गरिएको आन्तरिक आयको लक्ष्य बढाएर ९२ करोड १४ लाख पुर्‍याउन लागिएको हो ।

सम्पत्ति करको सबैभन्दा धेरै सम्पत्तिको मूल्याङ्कन हुने १ करोड १० लाख रुपैयाँ सम्मको करमा वृद्धि हुने भएको छ । सम्पत्ति करको हिसाबमा इटहरी उपमहानगरपालिका भित्र अत्यधिक मूल्याङ्कन हुने  एकीकृत सम्पत्ति करको दर वृद्धि हुन लागेको हो । यस अघि ७५ लाख सम्म शून्य दशमलव १३ प्रतिशत लाग्ने करको शीर्षक बढाएर १ करोड १० लाख सम्मको शून्य दशमलव १४ प्रतिशत पुर्याउने तयारी भएको छ ।

यसअघि १२ करोड ५५ लाख ८० हजार अनुमान गरिएको सम्पत्ति करको आय बढाएर २१ करोड ५५ लाख ८० हजार पुर्‍याउन लागिएको छ । भुमिकर तथा मालपोतमा पनि १० करोड अनुमान बढाउने तयारी भएको छ । १४ करोड अनुमान गरेको घर बहाल करबाट २० करोड उठाउने उपमहानगरको योजना छ।

व्यवसाय करमा ८ करोड अनुमान गरिएकोमा बढाएर १३ करोड पुर्‍याउन लागिएको हो । सिफारिस दस्तुरबाट हुने आम्दानीमा १ करोड अनुमान वृद्धि गर्ने तयारी भएको छ ।

यसअघि ९७० लाग्ने सर्जीमिन गरि गरिने नागरिकता सिफारिसमा ५७० कायम गरिने भएको छ । गैरआवसीय नेपालीको नागरिकता सिफारिसमा भने १० हजार शुल्क लाग्ने भएको छ ।

अस्थायी बसोबास प्रमाणित सिफारिस शुल्कमा ५ सय रुपैयाँ घटाउन लागिएको हो । यसअघि ९७० लाग्दै आएको सिफारिस संशोधन विधेयक प्रमाणित भए पश्चात् ४७० लाग्ने भएको छ ।

२ हजार कायम रहेको थ्रि-फेज लाइन जडान सिफारिसमा ५ सय घटाएर १५ सय पुर्याउने तयारी गरिएको छ। विद्युत् सर्जीमिनमा अपाङ्गलाई नि:शुल्क गर्ने व्यवस्था मिलाउन लागिएको छ ।

९७० रहेको धनीपुर्जा हराएको सिफारिसमा ४७० घटाएर ५ सय पुर्याउने तयारी भएको छ । त्यस सँगै भौतिक पूर्वाधार प्रयोगशाला परीक्षण गरिने बस्तुको सेवा शुल्कमा समेट घटाउने उपमहानगरको तयारी छ ।

itahari-tax-paper

itahari-tax-paper-2

कमेन्ट गर्नुहोस्
सम्बन्धित

देवानगञ्ज । सुनसरीको देवानगञ्ज गाउँपालिकामा कम्पनी रजिस्ट्रार कार्यालय इटहरी, सुनसरीबाट सरूवा भई आउनु भएको प्रमुख प्रशासकीय अधिकृत सुधिर साफीलाई गाउँपालिका परिवारले स्वागत गरेका छन् । नेपाल सरकार, सङ्घीय मामिला तथा सामान्य प्रशासन मन्त्रालय, सिंहदरवार काठमाण्डौबाट स्थानीय सरकार सञ्चालन ऐन, २०७४ को दफा ८४ को उपदफा ४ अनुसार देवानगञ्ज गाउँपालिका, गाउँकार्यपालिकाको कार्यालय देवानगञ्जको प्रमुख प्रशासकीय अधिकृतको […]

विराटनगर । समाजसेवामा सक्रिय अभिषेक गिरीले स्थापना गरेको गिरी फाउन्डेसनले मोरङको कटहरी गाउँपालिकास्थित एक विद्यालयलाई शैक्षिक र खेलकुद सामग्री वितरण गरेको छ । फाउन्डेसनका अध्यक्ष अभिषेक गिरीले बुधबार कटहरी (४ खयरवनस्थित श्री आधारभूत विद्यालयलाई शैक्षिक र खेलकुद सामग्री वितरण गरेका हुन् । उक्त विद्यालयलाई ६० हजार रकम बराबरको कापी (कलम, ह्वाइट बोर्डलगायत शैक्षिक सामग्री र […]

इनरुवा । सामुदायिक विद्यालय सुधार अभियानका लागि अनुगमन प्रभावकारी गर्न लागेको कोशी गाउँपालिकाका अध्यक्ष ऐयुब अन्सारीले बताउनुभएको छ । कोशी गाउँक्षेत्रको शिक्षा सुधारमा आफू लागि परेको र शिक्षालाई मजाक बनाउनेलाई छुट नगर्ने बताउनुभयो । कोशी गाउँपालिका अन्तर्गतका सामुदायिक तथा धार्मिक बिद्यालयको अनुगमन तथा मूल्यांकन बारे जानकारी गराउने उद्देश्यले आयोजना गरिएको कार्यक्रमलाई सम्बोधन गर्नुहुदै उहाँले गाउँपालिकामा […]