०२ आषाढ २०८१, शनिबार
15-06-2024 , Sat
×

सिटौलालाई जिताउन अभिषेक गिरीले गरे खुलेरै समर्थन

Logo
नमो संवाददाता प्रकाशित शुक्रबार, माघ १२, २०८०

तस्विर : नमो अनलाईन

बिराटनगर । नेपाली कांग्रेसका कृष्णप्रसाद सिटौलाले कठिन परिस्थितिका बावजूद राष्ट्रियसभा सदस्य निर्वाचनमा बाजी मारेका छन् । सत्तारूढ गठबन्धनकै महिला उम्मेदवार पराजित हुने कठिन परिस्थितिबीच सिटौला निर्वाचित हुनुलाई धेरै आश्चर्यका साथ कतिपयले हेरी रहेका छन् ।

नेपाली कांग्रेसका पूर्वमहामन्त्रीसमेत रहेका सिटौलाले राप्रपााका उद्धव पौडेललाई हराए जित हांसिल गर्न निकै कठिन थिए । नेकपा एमालेसँग सहकार्य गरेर राप्रपाले सिटौलालाई पछि पर्ने दाउमा थिए । तर, यता नेपाली कांग्रेसका नेता–कार्यकर्ताको साथ र गठबन्धन दलहरूको सहयोगमा सिटौला विजयी हुन् सफल भए ।

सिटौलालाई जसरी पनि जिताउने भनेर साथ दिने नेता–कार्यकर्ताबीचका एक हुन्, समाजसेवी अभिषेक गिरि । पछिल्लो समय समाजसेवामा सक्रिय देखिएका गिरिले राष्ट्रियसभा निर्वाचनका बेला चौतर्फी गरेको दौडधुपले सिटौलाको जित सहज भएको कतिपयको ठम्याई छ ।

गिरि स्वयम् भन्छन्, ‘राम्रो व्यक्तिले राष्ट्रियसभा स्थान पाउनुभएको छ । उहाँलाई हामीले सक्दो सहयोग गरेका हौँ । कठिन अवस्थाकाबीच सबै मिलेर उहाँलाई उकास्यौं । धेरै खुसी छु ।’

माओवादीलाई शान्ति प्रक्रियामा ल्याउन भूमिका निर्वाह गरेका सिटौला करिब एक दशक लगभग शक्तिविहीन थिए । तर, अहिले पुनः सत्ता–शक्तिमा ल्याउन माओवादीलगायत गठबन्धन दलको समर्थन रह्यो ।

कांग्रेस सभापति शेरबहादुर देउवानिकट मानिने सिटौलालाई संस्थापन इतर (डा. शेखर कोइराला) पक्षले उनलाई असहयोग गर्ने शंका थियो ।
तर, गिरिलगायत केही नेताका कारण कोइरालामात्र नभएर कांग्रेसका महामन्त्रीद्वय गगन थापा र विश्वप्रकाश शर्माले खुलेरै समर्थन गरे । जसका कारण पनि उनको जित सुनिश्चित भयो ।

सिटौलाले आफ्ना निकटतम् प्रस्तिपर्धी राप्रपाका पौडेललाई सात सय ३० मतान्तरले पराजित गरेका हुन् । पौडेलले कुल ४ हजार पाँच सय ६२ मत ल्याउँदा कांग्रेसका सिटौलाले पाँच हजार दुई सय ९२ मत ल्याए ।

सिटौलालाई प्रदेशसभाको ४५ जना र पौडेललाई ४७ जना सदस्यहरूले मतदान गरेका थिए । स्थानीय तहतर्फ सिटौलाले एक सय ५३ मत ल्याउँदा पौडेलले एक सय नौ जना पालिका अध्यक्ष–उपाध्यक्ष तथा प्रमुख–उप–प्रमुखको मत प्राप्त गरे ।

एमालेले राप्रपासँग गठबन्धन गरेको भए पनि अधिकारीले प्रदेशसभाको एक र स्थानीय तहको चार जनाको मत प्राप्त गरे ।

यो जितसँगै सिटौला ७७ वर्षको उमेरमा सत्ता–शक्तिमा पुनरागमन गर्न सफल भएका छन् । गत प्रतिनिधिसभा निर्वाचनमा झापा क्षेत्र नम्बर–३ बाट पराजित भएका सिटौलालाई राप्रपाका अध्यक्ष राजेन्द्र लिङ्देनले एमालेको सहयोग लिएर पराजित गरेका थिए ।

कमेन्ट गर्नुहोस्
सम्बन्धित

जनकपुर । मधेश प्रदेश प्रमुख सुमित्रा भण्डारीले नयाँ सरकार गठनका लागि आह्वान गरेकी छन् । आज मुख्यमन्त्री सरोजकुमार यादवले विश्वासको मत नपाएपछि प्रदेश प्रमुख भण्डारीले नयाँ सरकार गठनको आह्वान गरेकी हुन् । प्रदेश प्रमुखको कार्यालयका निमित्त सचिव शत्रुधन यादवले विज्ञप्ति जारी गरी प्रदेश प्रमुखले संविधानको धारा १६८ को उपधारा २ बमोजिम मुख्यमन्त्रीमा दाबी पेश गर्न […]

काठमाडौँ । नेकपा एमालेका अध्यक्ष केपी शर्मा ओलीले संसदमा नेपाली कांग्रेसले असभ्य व्यवहार गरेको बताएका छन् । अध्यक्ष ओलीले शुक्रवार संसद भवन परिसरमा सञ्चारकर्मीलाई प्रतिक्रिया दिँदै कांग्रेसले उत्ताउलोपन देखाएर सत्तापक्ष र मन्त्री बसेको रोमा आएको बताएका हुन् ।  उनले कांग्रेस सांसदहरुले अपशब्द प्रयोग गरेको टिप्पणी गरेका छन् । बिहीवारको प्रतिनिधि सभा बैठकमा नेपाली कांग्रेसका उपसभापति धनराज […]

इलाम । इलाम क्षेत्र २ मा आउँदो १५ गते उपनिर्वाचन हुँदैछ । निर्वाचनको साताअघि इलाम सदरमुकामको चोकबजारमा बिहीबार ‘नो भोट’ भन्दै सयौंको भिडमा कार्यक्रम चलिरहेको छ । अभियानमा सहभागी हुन झापातिरबाट दर्जनौं सवारी साधनमा हुलका हुल मानिस आएका छन् । र, उनीहरूले भारतीय नम्बरका सवारी साधन ल्याएका छन् । उनीहरूले ल्याएका भारतीय सवारीमा नेपालको राष्टिूय झन्डा […]