फोटो : ब्रहमदेव मेहता/नमो अनलाइन
देवानगञ्ज । सुनसरीको सिमावर्ती क्षेत्र देवानगञ्ज गाउँपालिकाले पालिका भित्रका किसानहरूको आय आर्जन बृद्धि र स्तर उन्नतीको लागि पालिका अध्यक्ष बेचनप्रसाद मेहताको अगुवाइमा “सुखी किसान देवानगञ्जको पहिचान” भन्ने मुल नाराका साथ पालिका भरी पुर्ण विधुतीकरण गर्ने गुरु योजनाको देवानगञ्ज गाउँपालिका र नेपाल विधुत प्राधिकरणको संयुक्त आयोजनामा शिलान्यास कार्यक्रम सम्पन्न भएको छ।
कोशी प्रदेशका खानेपानी, सिंचाई तथा ऊर्जा मन्त्री तिलकुमार मेन्याङ्बो लिम्वु, कोशी प्रदेश सभा सदस्य रामप्रसाद मेहता र देवानगञ्ज गाउँपालिका अध्यक्ष बेचनप्रसाद मेहताले संयुक्त रुपमा उक्त योजनाको शिलान्यास गर्नुभएको हो ।
देवानगञ्ज गाउँपालिकाको ५ करोड र नेपाल विधुत प्राधिकरणको ५ करोड गरी पहिलो चरणमा वडा नं. २, ३, ४, र ५ मा जम्मा १० करोडको आयोजना ठेक्का सम्झौता भई काम सुरु गरिएको र दोस्रो चरणमा वडा नं. १, ६ र ७ मा १३ करोडको योजना अर्को आर्थिक वर्षमा संचालन गरिने गाउँपालिका अध्यक्ष बेचनप्रसाद मेहताले बताउनु भयो ।
यो योजनाले देवानगञ्ज गाउँपालिका भरिका किसानले राहत पाउने भएका छन्। स्थलगत सिंचाईको लागि राम्रो व्यवस्था नभएकोले सतहको पानी पम्पसेटको प्रयोग गरि सिंचाई गर्दा निकै झन्झटिलो र खर्चिलो हुने गर्दछ। पालिका अध्यक्ष मेहताका अनुसार आफुले चुनावको समयमा गरेको वाचा अनुसार निर्वाचित भएर आए पछि सबै भन्दा पहिला विधुतीकरण गराउने काममै लागे जस्को फलस्वरुप नेपालमै कहीँ सँचालनमा नआएको योजना धेरै बाधा अड्चनको बावजुत आज आफ्नो पालिका भित्रका किसानहरूको लागि शिलान्यास गर्न पाउँदा मन हर्सित भएको उल्लेख गर्नुभयो।
प्रत्येक किसानले यो योजना समापन पस्चात विधुतको माध्यमबाट सिंचाई गर्न पाउनेछन्। भोलिका दिनमा ५ विगाह १० विवाहको पलोटमामा सिंचाई गर्न एउटा पानी तान्ने मोटर दिईने वा डिप बाेडिङ्ग पालिकाको तर्फबाट उपलब्ध गराई कृषिमा क्रान्ति ल्याउने आफ्नो योजना रहेको जानकारी गराउदै योजना समयमा सम्झौता अनुसार सम्पन्न गर्न ठेकेदारलाई कडा निर्देशन समेत दिनुभयो।
यता किसानहरु पालिका अध्यक्ष बेचनप्रसाद मेहताले गरेको कार्यको प्रसंसा गरेका छन् । आज सम्पन्न नेपालमै कहीँ नभएको योजना हाम्रो लागि पालिका अध्यक्षले निकै मेहनत गरेर ल्याएकोमा प्रसंसा गरेका हुन् । कार्यक्रममा उपस्थित भएका स्थानीय किसानहरुले हर्षित हुँदै विधुतीकरण गर्ने कार्यको स्वागत हामी आफैले पनि सहयोग गरी यो योजनालाई सफल बनाउने बताएका छन्।
शिलान्यास कार्यक्रममा कोशी प्रदेशका खानेपानी, सिंचाई तथा ऊर्जा मन्त्री तिलकुमार मेन्याङ्बो लिम्वु, कोशी प्रदेश सभा सदस्य रामप्रसाद मेहता, देवानगञ्ज गाउँपालिका अध्यक्ष बेचनप्रसाद मेहता, विधुत प्राधिकरण कोशि प्रदेश प्रमुख उमेश झा, इनरूवा वितरण केन्द्रका प्रमुख अभिनव झा, वडाअध्यक्ष, कर्मचारी, विभिन्न राजनीतिक दलका प्रतिनिधि, बुद्धिजीवी, पत्रकार लगायतको उपस्थिति रहेको थियो।
