१२ बैशाख २०८१, बुधबार
24-04-2024 , Wed
×

खस्किँदै गई रहेको शिक्षाको अवस्था सुधार गर्नमा देवानगञ्ज गाउँपालिकाको प्रयास सार्थक

Logo
ब्रहमदेव मेहता प्रकाशित शनिबार, जेठ १३, २०८०

देवानगञ्ज । सुनसरीको सिमावर्ती क्षेत्र देवानगञ्ज गाउँपालिकामा  विगत लामो समयदेखि खस्किँदै गई रहेको शिक्षाको अवस्था सुधार गर्नमा पालिका अध्यक्ष बेचनप्रसाद मेहताको नेतृत्वमा पुरै टिम लागि परेको छ । स्थानीय तहमै शिक्षकहरूलाई एक   बिद्यालय बाट अर्को बिद्यालयमा सरुवा गरे जस्को फलस्वरुप बिद्यालयहरुको व्यवस्थापनमा सुधार आउँदै गर्दा अर्को कार्यको थालनी गरेको छ। जस्को परिणाम स्वरूप वडा नं. ६ जिरोगवा स्थित रहेको फोचो दास आधारभूत विद्यालयमा पालिकामा पहिलो पटक कक्षा नर्सरी देखि कक्षा १ सम्म मन्टेश्वरी प्रविधिबाट अध्यापन गराउने गरी अङ्ग्रेजी माध्यमबाट पठनपाठन गराउने कार्यको शुभारम्भ भएको छ।

वडा अध्यक्ष हरिन्दन मेहताको पहलमा पालिकामै सबैभन्दा भौतिक पूर्वाधार देखि लिएर शैक्षिक गुणस्तरमा समेत पछिपरेको बिद्यालयबाटै उक्त कार्यको थालनी गरेको हो।

अंग्रेजी माध्यमबाट पठनपाठन गराउने कक्षाको उद्धघाटन गर्दै पालिका अध्यक्ष बेचनप्रसाद मेहताले देवानगञ्ज गाउँपालिकामा शैक्षिक गुणस्तर सुधार गर्न आफु लागि परेको बनाउनु भएको छ। भर्खरै आएको कक्षा आठको नतिजाले आफु निकै चिन्तित भएकोले शिक्षक सरुवा गर्न बाध्य भएको समेत उल्लेख गरे। गाउँपालिका भित्र रहेका प्राइभेट बिद्यालयहरु जहाँ SEE र कक्षा बाह्र पासगरेको शिक्षकले पढाउँदा ८० प्रतिशत भन्दा बढी रिजल्ट ल्याउने तर बिडम्बना सरकारी बिद्यालयहरुमा आयोग पास गरेर आएको शिक्षकका साथै सबै सेवा सुविधा उपलब्ध गराउँदा समेत रिजल्ट ४० प्रतिशत भन्दा पनि कम आउने गरिएकोले सबै शिक्षकहरूलाई कर्मनिष्ठ भएर आफ्नो कर्तव्य पूरा गर्न आग्रह गर्नुभयो । शैक्षिक अवस्था सुधार गर्न यो विद्यालयबाट शुरु गरिएको कुरा आफ्नो कार्यकालमा पालिका भित्रको हरेक बिद्यालयमा सुचारु गरी पालिकालाई शिक्षा क्षेत्रमा नमुना बनाउने आफ्नो लक्ष्य रहेकोले सबैलाई साथ दिन आग्रह समेत गर्नुभयो ।

प्रमुख प्रशासकीय अधिकृत रामराज पौडेलले सामुदायिक विद्यालयको शैक्षिक गुणस्तर सुधारका लागि तिनै तहका सरकार, अभिभावक, शिक्षक, व्यवस्थापक, गैरसरकारी संघ संस्था लगायत सम्पूर्ण सरोकारवालाहरूको साथ, सहयोग र सहकार्यमा सुधारका प्रयासहरूलार्ई अघि बढाउने कुरामा जोड दिनुभयो । बदलिएको परिवेशमा नवीन अवधारणा एवम् सिद्धान्त र व्यावहारिक अभ्यासबीच तालमेल मिलार्ई समयानुकुलको नीति तथा कार्यक्रममार्फत मात्र सार्वजनिक विद्यालयको सुधार गर्न सकिने कुराको उल्लेख गर्दै पालिकाको तर्फबाट आवश्यक परेको खण्डमा विभिन्न तालिमको माध्यमबाट शिक्षकहरूलाई प्रशिक्षण प्रदान गरी शैक्षिक गुणस्तर सुधार तर्फ उन्मुख हुन सबै सरोकारवला पक्षलाई आग्रह गर्नुभयो।

यता पहिला बिद्यालय जान नमान्ने बिद्यार्थीहरु अहिले विद्यालयको अवस्था फेरिदा आफै हाँसी हाँसी बिद्यालय जाने गरेकोले अभिभावकहरु खुसी भएका छन्। ५० – ६० जना बिद्यार्थी भर्ना रहेको बिद्यालयमा अहिले जम्मा १८२ जना बिद्यार्थी भर्ना भएको छ। यसले पनि पालिकाले गरेको प्रयास सार्थक रहेको स्थानीयहरुले बताएका छन्।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]