तस्विर : नमो अनलाईन
हरिनगर । सुनसरीको देवानगञ्ज गाउँपालिका वडा नं. १ मध्यहर्षाही बस्ने ४० वर्षीय किसान यादवलाई कटुवा पेस्तोल १ थान र सोही पेस्तोलको गोलीको खोका १ थानसहित गएराति प्रहरीले पक्राउ गरेको छ ।
भोक्राहानर्सिङ गाउँपालिका–४ लबटोलिया बस्ने जुगेश्वर यादवको २ वटा भैँसी चोरी भएको भन्ने सूचना प्राप्त हुनासाथ प्रहरी चौकी चिरौलीबाट खटिएको प्रहरीले चोरीमा संलग्न यादवलाई उक्त हतियारसहित फेला पारी पक्राउ गरेको हो ।
प्रहरीले चोरीमा संलग्न रहेका अन्य व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको जिल्ला प्रहरी कार्यालय सुनसरीका प्रवक्ता प्रहरी नायव उपरीक्षक नविनकृष्ण भण्डारीले जानकारी दिनुभयो ।
