देवानगञ्ज । विराटनगर ९ मा अवस्थित इडेनवर्ग कलेजले नयाँ भर्ना भएका ४ सय २० जना विद्यार्थीहरुको स्वागत तथा ब्याचलर अन्तिम बर्षका १ सय ५० भन्दा बढि विद्यार्थीहरुको विदाई गरेको छ । कलेजले आज एक कार्यक्रमको आयोजना गरेर स्वागत तथा विदाई गरेको हो ।
विदाई कार्यक्रममा अध्यक्ष बिष्णु दाहाल , क्याम्पस प्रमुख डि.के शाह, सचालक जे.बी मगर , हिमाल बराल , संयोग पोखरेल , शम्भु प्रसाद महतो , दिनेश पडित , खुशिराज श्रेष्ठ, लगायतले विद्यार्थीहरूलाई टीका र मायाँको चिनो प्रदान गरेर विदाई गरेका थिए । यसैगरी क्याम्पस प्रमुख डि।के शाहले मन्तव्य राख्दै विद्यार्थीहरूको उज्वल भविष्यको कामना गरेका छन् ।
यसैगरी १ सय ५० भन्दा बढी चौथो बर्षको परीक्षा दिइसकेका विद्यार्थीहरूलाई भविष्य सफल बनाउन र राम्रो क्षेत्रमा लाग्न अध्यक्ष बिष्णु दाहालले सुझाव दिए । साथै ३० जना विद्यार्थीहरुबाट शुरु गरेको कलेजमा आज १३०० विद्यार्थीहरुले अय्ययन गरिरहेको दाहालले बताए। साथै इडेनवर्गले चाँडै नै विएच।एम र विआडी कार्यक्रम संचालन गर्ने दाहालले बताए ।
कार्यक्रमकै अवशरमा कलेजमा अध्ययनरत विद्यार्थीहरुले नृत्य र गायन समेत प्रस्तुत गरेका थिए भने विदाइ हुने विद्यार्थीहरुल कलेजमा अध्ययन गर्दाका अनुभव समेत सुनाएका थिए ।
बिष्णु दाहालको सभापतित्वमा सम्पन्न भएको कार्यक्रममा त्रि.वि क्षेत्रीय सह परिक्षा नियन्त्रक डिललीराम प्रसाँइ प्रमुख अतिथिका रुपमा रहेका थिए । त्यसैगरि कार्यक्रममा कान्तिपुर कलेजका संचालक सन्तोष भगत, कोवास कलेजका प्राचार्य केवल पोख्रेल , सास्थम कलेजका डाइरेक्टर महेश्वर सिंह लगायतको उपस्थिती रहेको थियो ।
