०३ आषाढ २०८१, आइतबार
16-06-2024 , Sun
×

मोबाइल सेवा ब्ल्याकआउट गरी पाकिस्तानमा आमनिर्वाचनको मतदान

Logo
रासस प्रकाशित बिहिबार, माघ २५, २०८०

तस्विर : फाईल

काठमाडौं। पाकिस्तानमा आम निर्वाचनको मतदान जारी छ। बिहीबार बिहान ८ बजेदेखि सुरू भएको मतदान साँझ ५ बजेसम्म जारी रहने पाकिस्तानी सञ्चारमाध्यमहरूले जनाएका छन्।

मतदानको समयमा टेलिफोन सेवा र इन्टरनेट समेत ब्ल्याकआउट गरिएको छ। निर्वाचनका समयमा हुनसक्ने आक्रमण र हिंसात्मक घटनालाई रोक्न टेलिफोन सेवा अवरूद्ध गरिएको हो बताइएको हो।

चुनावकै लागि इरान र अफगानिस्तानसँगको सिमाना बन्द गरिएको छ।

दक्षिणपश्चिम बलूचिस्तान प्रदेशमा मतदान स्थल तोकिएको स्थाननजिकै  बुधबार दुईवटा बम विस्फोट हुँदा ३० जनाको मृत्यु र ४० जनाभन्दा बढी घाइते भएका थिए।

बुधबारको हमलाको जिम्मेवारी इस्लामिक स्टेटले समूहले लिइसकेको छ।

हमलापछि पाकिस्तानम निर्वाचन सुरक्षा  कडा पारिएको छ। त्यहाँ साढे ६ लाख सुरक्षाकर्मी परिचालन गरिएको बताइएको छ।

पाकिस्तानी निर्वाचन आयोगका अनुसार विधानसभाका लागि ५ हजार १२१ र प्रान्तीय विधानसभाका लागि १२ हजारभन्दा बढि उम्मेदवार छन्।

पौने १३ लाख मतदाताका लागि ९० हजार बढी मतदान केन्द्र निर्धारण गरिएको छ। तीमध्ये सुरक्षाका दृष्टिले २९ हजार ९८५ मतदान केन्द्र संवेदनशील र १६ हजार ७६६ मतदान केन्द्र अति संवेदनशील घोषणा गरिएका छन्।

यसपालि इमरान खानको पाकिस्तान तेहरिक-इ-इन्साफ (पिटिआइ), नवाज सरिफको पाकिस्तान मुस्लिम लिग (पिएमएल-एन), पूर्व प्रधानमंत्री बेनजीर भुट्टोको पाकिस्तान पिपुल्स पार्टीबीच प्रतिस्पर्धा हुनेछ।

यद्यपि, पूर्वप्रधानमन्त्री इमरान खान भने जेलमा छन् । उनका पार्टीका उम्मेदवार पनि स्वतन्त्र उम्मेदवारी दिएर चुनावी मैदानमा छन्। पाकिस्तानको निर्वाचन आयोगले उक्त पार्टीलाई चुनाव चिन्ह ‘क्रिकेट ब्याट’ नदिने निर्णयलाई सर्वोच्च अदालतले कायम राखेपछि इमरान खानका समर्थकहरूले स्वतन्त्र उम्मेदवारी दिएका छन्।

प्रधानमन्त्री नवाज शरिफ चौथोपटक प्रधानमन्त्री बन्ने दौडमा रहेको र उनलाई सेनाको पनि समर्थन रहेको बताइएको छ। चुनावको परिणाम एक साताभित्र सार्वजनिक गरिने बताइएको छ।

कमेन्ट गर्नुहोस्
सम्बन्धित

काठमाडौं । छत्तीसगढको राजधानी रायपुरमा सन् २०२० मा कोरोना भाइरसका कारण ज्यान गुमाएका तीन जनाको शवको एक हजार दिनपछि अन्तिम संस्कार गरिएको छ । राजधानीको बाबा साहेब भीमराव अम्बेडकर अस्पतालमा बेवारिसे अवस्थामा यी तीनै शव कंकालमा परिणत भएका थिए । प्रशासनिक अधिकारीहरूका अनुसार गत महिना रायपुरको एउटा अखबारले राज्यको सबैभन्दा ठूलो सरकारी अस्पतालमा हजार दिनभन्दा […]

काठमाडौं–  धनाढ्य एलोन मस्कले युट्युबसँग प्रतिस्पर्धा गर्न अर्को एप लन्च गर्ने भएका छन् । उनले ल्याउने नयाँ एपले युट्युबसँग उद्देश्यले नयाँ एप ल्याउन खोजेको अनुमान गरिएको छ । सो एपको नाम एक्स टीभी रहेको बताइएको छ । एक्स (पहिलेको ट्विटर) का सीईओ लिन्डाका अनुसार छिट्टै सो एप सार्वजनिक गरिँदै छ । उनले गत मंगलबार एप […]

एजेन्सी । शोले फिल्ममा बसन्तीका लागि वीरू पानीको ट्यांकीमा चढेको त सवैलाई यादै होला। तर, भारतको गोरखपुरमा ‘बसन्ती’ आफ्नो ‘वीरू’ का लागि बिजुलीको खम्वामा चढेकी छिन्। ती वसन्ती एक्लै होईन, विवाहित महिला र ३ छोराछोरीकी आमा हुन। उनले आफुसँगै आफनो प्रेमीलाई पनि सँगै राख्न पतिसँग सर्त राखेकी थिईन। तर, पतिले उनको प्रश्ताव अस्विकार गरेपछि उनी विजुलीको […]