तस्विर : नमो अनलाईन
बर्जु । सुनसरीको बर्जु गाउँपालिका अध्यक्ष जिवक्ष रायले विज्ञप्ती जारी गर्दै भ्रामक र अपूष्ट समाचार प्रति खेद प्रकट गरेको छ ।
नेपालको संविधानको धारा १७० ले सबैलाई विचार अभिव्यक्तिको स्वतन्त्रता लाई प्रत्याभूत गरेको छ । आफ्नो विचार अभिव्यक्त गरिरहदा कसैको चरित्र हत्या हुने तथा समुदाय विचको सम्बन्धमा खलल पुग्ने विषयमा सचेत रहनु पर्दछ । तर आवर बिराटनगर डटनेटले सत्यतथ्य नबुझि, हुदै नभएको विषयलाई आधार र प्रमाणविना कपोकल्पित रुपमा समाजमा भ्रम फैलाउने उद्देश्यका साथ बर्जु गाउँपालकाका निर्वाचित जनप्रतिनिधिहरुको चरित्रहत्या गर्ने खालको भ्रामक समाचार प्रकाशन र प्रशारण गरि सामाजिक सदभाव खलबलाउने काम गरेको प्रति बर्जु गाउँपालिकाले खेद प्रकट गरेको हो ।
स्वतन्त्र पत्रकारिताप्रति सदैव हाम्रो सम्मान र सहयोग रहन्छ । तर भ्रामक र अपुष्ट समाचार प्रकाशित गरी समाजमा द्वन्द र द्वेष फैलाउने पितपत्रकारिताको हामी सबैले प्रतिवाद गर्नै पर्दछ साथै यस्ता भ्रामक र कपोकल्पित मिडियाबाजी प्रति विश्वास नगर्न पनि आम बर्जु बासिमा विज्ञप्ति मार्फत अपील गरीएको गाउँपालिका अध्यक्षय रायको हस्ताक्षर रहेको पत्रमा उल्लेख छ।
बुधवार आवर बिराटनगर डटनेटले “दबाव छल्ल बर्जु गाउँपालिकाका अध्यक्ष राय सम्पर्क कार्यालयमा सरे” भन्ने शीर्षकमा समाचार सम्प्रषण गरेको थियो ।
