तस्विर : नमो अनलाईन
इनरुवा । सुनसरी सदरमुकाम समेत रहेको इनरुवा नगरपालिकाले शिव मन्दिर निर्माणका लागि ५० लाख रुपैया दिने भएको छ ।
इनरुवा १ मा रहेको बालेश्वर शिव मन्दिर निर्माणका लागि ५० लाख रुपैया प्रदान गर्ने गरि बजेट बिनियोजन भएको छ । केदार भण्डारी इनरुवा नगरपालिकाको प्रमुखको रुपमा निर्वाचित भएर आएपछि इनरुवा १ मा निर्माणाधिन अवस्थामा रहेको बालेश्वर शिव मन्दिरका लागि ५० लाख रुपैयाँ दिने निर्णय भएको हो ।
यस अघि शिव मन्दिर निर्माणका लागि आर्थिक बर्ष २०७७÷०७८ मा इनरुवा नगरपालिकाले ८० लाख रुपैयाँ दिएको थियो भने पूर्व संघीय सांसद सिताराम मेहताले सांसद विकास कोषबाट १०÷१० लाख गरेर २० लाख र पूर्व प्रदेश सांसद राजिव कोइरालाले १० लाख रुपैया दिएको थियो ।
निर्वाचनका बेलामा जनता सामु गरेको प्रतिवद्धता अनुसार मन्दिर निर्माणका लागि यस पटक ५० लाख रुपैयाँ दिएको इनरुवा नगरपालिकाका प्रमुख केदार भण्डारीले बताउनुभयो ।
भोतिक पुर्वाधारको विकाससंगै नगर क्षेत्र भित्र रहेका मठ मन्दिरको संरक्षण तथा निर्माण गर्ने उदेश्यका साथ बालेश्वर मन्दिर निर्माणका लागि यस पटक ५० लाख रुपैया दिएको प्रमुख भण्डारीले बताउनुभयो ।
इनरुवा नगरपालिका सहित जिल्ला निकायबाट आएको बजेटको हिसाबले मन्दिर निर्माणको कार्य भइरहेको छ । इनरुवा नगरपालिका सहित बिभिन्न ठाउँबाट आएको बजेटबाट उपभोक्ता समिति निर्माण गरेर कार्य भइरहेको बालेश्वर शिव मन्दिर निर्माण उपभोक्ता समितिका अध्यक्ष प्रमोद अर्चायले बताउनुभयो ।
