०३ आषाढ २०८१, आइतबार
16-06-2024 , Sun
×

इनरुवा नगरपालिकाको १२ औं नगरसभा सम्पन्न

Logo
अजित झा/रासस प्रकाशित शनिबार, माघ २७, २०८०

तस्विर : नमो अनलाईन

इनरुवा । सुनसरी सदरमुकाम समेत रहेको इनरुवा नगरपालिकाको १२ औं नगरसभा शनिबार सम्पन्न भएको छ ।

चालु आर्थिक वर्ष ०८०÷०८१ को हालसम्मको प्रगति विवरण तथा विभिन्न निर्णय गर्दै नगरपालिकाको १२ औं नगरसभा सम्पन्न भएको हो । नगरसभामा आर्थिक बर्ष २०८०÷०८१ को योजना तथा बजेट रकमान्तर, संशोधन सम्बन्धी विवरण तथा चालु आर्थिक वर्ष ०८०÷०८१ को अहिलेसम्मको प्रगति विवरण राजस्व परामर्श तथा न्यायिक समितिको प्रतिवेदन प्रस्तुत गरेको थियो ।


प्रस्तुत गरेको प्रतिवेदन तथा विधेयकमा सुझाव राख्न गाउँसभाका सदस्यलाई समय उपलब्ध गराएर सबैको सर्वसम्मत रूपमा संसोधन पारित गर्दै अधिवेशन सम्पन्न भएको इनरुवा नगरपालिकाका उपप्रमुख बिनिता कुमारी मेहताले जानकारी दिनुभयो ।

सभासदस्यले सार्वजनिक सेवालाई गुणस्तर, सर्वसुलभ र कम खर्चिलो बनाउनुपर्ने, भएको राम्रा अभ्यासलाई सबैतिर विस्तार गर्नुपर्ने, बाकी रहेका सडकबाटोको स्तोरोन्नती गर्नुपर्ने, घरघरमा सुशासनको अनुभुती, स्वास्थ्य, शिक्षा तथा रोजगारका लागि थप कार्यक्रम सञ्चालन गर्नुपर्नेमा जोड दिएका थिए ।

सभाबाट आर्थिक ऐन २०८० र खानेपानी, सरसफाई तथा स्वच्छता ऐन २०८० सर्व सम्मतिले पारित गरेको इनरुवा नगरपालिकाका प्रमुख केदार भण्डारीले जानकारी दिनुभयो ।
त्यसैगरीसभाबाट इनरुवा १० मा रहेको श्रीअधारभुत विद्यालयको भौतिक संरचना निर्माणका लागि २० लाख, इनरुवा ९ मा रहेको सरस्वती माविलाई भौतिक संरचना निर्माणका लागि २० लाख, सरस्वती अधारभुत विद्यालय इनरुवा ८ लाख १० लाख र नगर क्षेत्र भित्रमा रहेका बिभिन्न विद्यालयको टिनको छानो फेर्न तथा अन्य भौतिक संरचना निर्माणका लागि आवश्यक बजेट बिनियोजना गरेको इनरुवा नगरपालिकाकी उपप्रमुख बिनितकुमारी मेहताले जानकारी दिनुभयो ।

त्यसैगरी इनरुवा २ नम्वर वडा कार्यालयको माथिल्लो तल्ला थपका लागि ३१ लाख, ३ नम्वर वडा कार्यालयको माथिल्लो तल्ला तथा कम्पाउण्ड वाल निर्माणका लागि १७ लाख रुपैयाँ, इनरुवा २ मा रहेको कुशवाहा सेवा समाजको अधुरो भवन निर्माणका लागि १४ लाख ९० हजार रुपैयाँ, भुपु सैनिक तथा प्रहरीको भवन निर्माणका लागि ५÷५ लाख रुपैयाँ, इनरुवा १ मा रहेको खेल मैदान व्यवस्थापनका लागि २० लाख रुपैया, इनरुवा नगरपालिका भित्र स्तनपान कक्ष निर्माणका लागि ५ लाख रुपैयाँ, इनरुवा २ मा रहेको अधारभुत स्वास्थ्य केन्द्रको अधुरो भवन निर्माणका लागि १५ लाख रुपैया बिनियोजना गरेको इनरुवा नगरपालिकाका उपप्रमुख मेहताले जानकारी दिनुभयो ।

त्यसैगरी वडा तर्फ संशोधित बजेटमा ५ करोड ७४ लाख ५४ हजार २४० रुपैयाँ रहेको छ भने नगरपालिका तर्फ ८३ करोड ४५ लाख ५ सय ३९ रुपैयाँ ९ पैशा रहेको इनरुवा नगरपालिकाका उपप्रमुख मेहताले जानकारी दिनुभयो । नगरसभा इनरुवा नगरपालिकाका प्रमुख केदार भण्डारीको अध्यक्षतामा भएको थियो ।

कमेन्ट गर्नुहोस्
सम्बन्धित

काठमाडौं । १ बैशाख २०८१ को मिति । नयाँ वर्षको दिन । घरमा माहोल रमाइलो थियो । एकाबिहानै ३२ वर्षीय रोशन सिंह (नाम परिवर्तन) को ह्वाट्सएपमा आफ्नै बहिनीको नग्न फोटो तथा भिडिओ आयो । रोशन आफ्नो फोन घरमै छोडेर नियमित काममा गएका थिए । उक्त फोनमा परिवारका अन्य सदस्यको पनि पहुँच थियो । रोशन पेसाले […]

इनरुवा । सुनसरीको भाेक्राहा नरसिंह गाउँपालिकामा प्रथम महिला खाे-खाे प्रतियोगिता हुने भएको छ । भाेक्राहा नरसिंह गाउँपालिका चिराैली सुनसरीको सहयोग तथा प्रदेश स्तरीय खाे-खाे खेलकुद उपभोक्ता समितिको आयोजना र जिल्ला खाे-खाे संघ सुनसरीको सहकार्यमा उपाध्यक्ष प्रथम महिला आमन्त्रण राष्ट्रिय खाे-खाे प्रतियोगिता आयाेजना हुने भएको हाे । प्रतियोगिता जेठ २९ गतेदेखि ३१ गते सम्म संचालन हुने […]

झापा  । कोशी प्रदेश स्थित बी एन्ड सी मेडिकल कलेजले अन्ततः सम्बन्धन पाउने भएको छ । सर्वोच्च अदालतले बिहीबार चिकित्सा शिक्षा आयोग र काठमाडौं विश्वविद्यालयको नाममा परमादेश जारी गरेसँगै सम्बन्धन पाउने भएको हो । न्यायाधीशद्वय डा. कुमार चुँडाल र सारंगा सुवेदीको संयुक्त इजलासले १५ दिनभित्र सम्बन्धन दिन परमादेश जारी गरेका हुन् । सर्वोच्चले यसअघि १२ चैत, २०८० मा […]