१६ जेठ २०८१, बुधबार
29-05-2024 , Wed
×

गिरि फाउन्डेसनले आयोजना गरेको स्वास्थय शिविरमा ७५५ जनाले गराए नि:शुल्क स्वास्थ्य जाँच

Logo
नमो संवाददाता प्रकाशित शनिबार, माघ २७, २०८०

तस्विर : नमो अनलाईन

विराटनगर । पछिल्लो समय समाज सेवामा तल्लीन रहेका अभिषेक गिरिले विपन्न वर्गका बिरामीलाई मध्यनजर गर्दै आयोजना गरेको निःशुल्क स्वास्थ्य शिविरमा ७५५ जनाले स्वास्थ्य जाँच गराई सेवा लिएका छन् ।

अभिषेक गिरिले स्थापना गरेको गिरि फाउन्डेसन र पारस मल्टिस्पेसियालिटी हस्पिटलले शनिबार विराटनगर महानगरपालिका–८ स्थित श्री ज्ञानकुञ्च आधारभूत विद्यालयमा शिविरको आयोजना गरेका थिए ।

उल्लेखनीय सर्वसाधारणको उपस्थिति रहेको सो शिविरमा ७५५ जनाले निःशुल्क स्वास्थ्य जाँच गराएर सेवा लिएका छन् । जसमध्ये एक सय ८० जनाको इसिजी जाँच र २८० जनाको रक्तचाप र सुगर परीक्षण गरिएको थियो ।

शिविरमा आएका अधिकांश सेवाग्राहीले निःशुल्क स्वास्थ्य शिविरबाट लाभान्वित भएको बताएका छन् । यस्ता शिविरबाट खर्चिलो उपचारको पहुँचबाट टाढा रहेका गरिब–निमुखाले सेवा पाएको उनीहरूको भनाइ छ ।

यता, गिरी फाउन्डेसनका अध्यक्ष अभिषेक गिरिले प्रत्येक शनिबार निःशुल्क स्वास्थ्य शिविरलाई निरन्तरता दिने बताउँदै पहिलो चरणमा विराटनगरका १९ वटै वडामा र विस्तारै अरू पालिकामा पनि आयोजना गरिने बताए ।

गिरिले आफ्नो फाउन्डेसनमार्फत् निःशुल्क स्वास्थ्य शिविर आयोजना गरी आसाहय तथा बिपन्न परिवारका बिरामीहरूलाई सुलभ र सहज उपचार सेवा उपलब्ध गराउने योजना रहेको बताए । विपन्न वर्गका बिरामीले स्वास्थ्योपचार नपाइरहेको परिस्थितिलाई मध्यनजर गरेर स्वास्थ्य शिविर चलाइएको उनको भनाइ छ ।

पारस हस्पिटलका वरिष्ठ हाडजोर्नी तथा नसारोग विशेषज्ञ डा। फेजल अन्सारीले शिविरमा स्वास्थ्य जाँच गराउनेहरूलाई करिब पाँच लाख रुपैयाँ बराबरको औषधि निःशुल्क वितरण गरिएको बताए । परीक्षणमा आएका अधिकांश विपन्न वर्गका रहेको बताउँदै उनले यस्तो शिविरले उपचारको पहुचभन्दा पर रहेकाले लाभ लिने बताए ।

निःशुल्क स्वास्थ्य शिविरमा बालबालिकादेखि वृद्ध–वृद्धाले निःशुल्क स्वास्थ्य जाँच गराउँदै विशेषज्ञ चिकित्सकसँग परामर्श लिएका थिए । उनीहरूलाई निःशुल्क रूपमा औषधिसमेत वितरण गरिए पारस हस्पिटलका प्रबन्ध निर्देशक हेमनारायण मेहताले जानकारी दिए ।

अस्पतालको पहुँचबाट टाढा रहेका विपन्न वर्गका सर्वसाधारणलाई मध्येनजर गरी गिरि फाउन्डेसन र पारस हस्पिटलले संयुक्त रूपमा निःशुल्क स्वास्थ्य शिविर आयोजना गर्न सम्झौता भएको थियो । जसमा शिविर गर्ने स्थानदेखि स्वास्थ्य सामग्रीमा लाग्ने खर्च व्यवस्थापनसम्म फाउन्डेसनले गर्नेछ भने चेकजाँच अस्पतालले गर्ने उल्लेख छ ।

कमेन्ट गर्नुहोस्
सम्बन्धित

काठमाडौं । सरकारले भूकम्पपछिको पुनर्निर्माणका लागि २१ अर्ब ६० करोड बजेट विनियोजन गरेको छ। आगामी आवको बजेट प्रस्तुत गर्दै अर्थमन्त्री वर्षमान पुनले जाजरकोट, डोटी र बझाङ केन्द्रविन्दु भएर गएका भूकम्पपछिको पुनर्निर्माणलाई प्राथमिकतामा राखिएको बताए। पुनर्निर्माणका लागि एकीकृत तथ्यांक संकलन गरिनेछ। विपत् प्राधिकरणको तथ्यांकअनुसार १५ जिल्लामा निजी आवाससँगै सरकारी भवन पुनर्निर्माण गर्नुपर्नेछ।

काठमाडौं । सरकारले विदेशी पर्यटकलाई नेपालमा विवाह गर्न प्रोत्साहन गर्ने भएको छ । संघीय संसदमा आगामी आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले उक्त घोषणा गरेका हुन् । जनकपुरलाई वेडिङ र लुम्बिीनीलाई बर्थिङ हबका रुपमा विकास गरिने कार्यक्रम बजेटमा समावेश गरिएको अर्थमन्त्रीले बताए ।

कुनै पनि शुभ कार्य गर्दा सवैभन्दा पहिले भगवान गणेको पूजा गरिन्छ । मंगलाचरणको शुरुवात नै श्री गणेशाय नमः बाट शुरु हुन्छ । भगवान गणेशको पूजा गर्नाले सुख शान्ति र समृद्धि छाउने विश्वास गरिन्छ । धन तथा बैभवको हिसावमा मंगलबार शुभ मानिन्छ । मंगलबार व्रत बसेर पूजा आराधाना गर्नाले मनोकामना पूरा हुने विश्वास गरिन्छ । सुख, […]