तस्विर : फाईल
इनरुवा । सुनसरीको बिभिन्न स्थानबाट एक सय ४९ किलो गाँजा टेम्पो सहित २ जना आज पक्राउ परेका छन् ।
पक्राउ पर्नेमा धरान ११ रिटिङ टोलका १९ बर्षिय मौसम राई र २२ बर्षिय अभिषेक शर्मा रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
बिषेश सूचनाको अधारमा इलाका प्रहरी कार्यालय धरानबाट गएको प्रहरीको टोलीले मौसम राई चालक रहेको प्रदेश १–०२–००३ ह ३७४ नम्वरको अटो टेम्पुलाई चेकजाच गर्दा पछाडी पट्टी रहेको डिकि भित्र लुकाई छिपाई राखेको अवस्थामा ३६ किलो गाँजा बरामद भएको प्रहरी नायव उपरीक्षक भण्डारीले बताउनुभयो ।
त्यसैगरी अभिषेक शेर्मा चालक रहेको को. १ ह ५०९८ नम्वरको अटो टेम्पुलाई चेकजाच गर्ने क्रममा पछाडी पट्टीको डिकि भित्र लुकाई छिपाई राखेको ५२ किलो गाजा बरामद भएको प्रहरीले जनाएको छ । त्यसैगरी सुनसरीको गढी गाउँपालिका–२ छिटाहामा को २९ प ५७३६ नम्बरको मोटरसाइकल र नजिकै खेतमा २९ किलो गाँजा रहेको झोला तथा खेतको छेउमा परालले छोपी राखेको ३२ किलो गाजा बरामद भएको प्रहरीले जनाएको छ ।
पक्राउ परेकाको बिषयमा थप अनुशन्धान भइरहेको जिल्ला प्रहरी कार्यालय सुनसरीले जनाएको छ । पछिल्लो समय गाँजा चोरी तस्करी नियन्यत्रण गर्ने अभियान सञ्चालन गरेका बेलामा सुनसरीमा धमाधम गाँजा तस्करी गरिरहेका व्यक्ति तथा सवारीसधान पक्राउ पर्ने क्रम जारी रहेको प्रहरीले जनाएको छ ।
