तस्विर : नमो अनलाईन
इनरुवा । सुनसरीको इटहरी उपमहानगरपालिकाका मेयर हेमकर्ण पौडेलले जनयुद्ध दिवसको अवसरमा इटहरीमा रहेका एक सय द्वन्द्व पीडित घर परिवारलाई निःशुल्क स्वास्थ्य बिमा गर्ने निर्णय गरेका छन् ।
मङ्गलवार नेकपा माओवादी केन्द्रका पदाधिकारीसँग एक सय द्वन्द्व पीडित घर परिवारलाई निःशुल्क स्वास्थ्य बिमा इटहरी सरकारले गर्ने मेयर पौडेलले निर्णय गरेका हुन् ।
जनयुद्ध दिवसको अवसरमा तत्काल लागु हुने गरी यही आर्थिक वर्षमा कुनै संस्था मार्फत इटहरीमा भएका एक सय द्वन्द्व पीडित घर परिवारलाई निःशुल्क स्वास्थ्य बिमा गर्न चार लाख रकम दिने निर्णय गरेको इटहरीका प्रमुख पौडेलले जानकारी दिनुभयो ।
इटहरी क्षेत्रमा बसोबास गर्दै आएका पिडित घाइतेको निशुल्क बिमा गर्ने गरिदिने प्रमुख पौडेलले जानकारी दिनुभयो ।
जनयुद्दमा पिडित बनेकाको निशुल्क बिमा गरिदिने मेयरको भनाई प्रति अत्यन्तै खुसी भएको माओबादीका इटहरी नगर अध्यक्ष बहादुर तामाङले बताउनुभयो । पिडितको नाम तयार गरेर मेयरसँग बुझाउने उहाँले बताउनुभयो ।
