१२ बैशाख २०८१, बुधबार
24-04-2024 , Wed
×

सुनसरीको छुट्टा छुट्टै स्थानबाट पक्राउ परेको नक्कली नोट र गाँजा कारेबार बिच कनेक्सनको आशंका

Logo
नमो संवाददाता प्रकाशित बिहिबार, फाल्गुण ०३, २०८०

तस्विर : नमो अनलाईन

इनरुवा । सुनसरी जिल्लाको सदरमुकाम समेत रहेको इनरुवा नगरपालिका ४ बाट अहिलेसम्मकै ठुलो परिमाण बरामद गरेको नेपाली नक्कली नोटसँग गाँजा कारोबार गर्नेको कनेक्सन रहेको आशंकामा प्रहरीले छानबिन थालेको छ ।

सुनसरी जिल्लामा एक हप्ताको समय भित्र विभिन्न स्थानबाट ठुलो परिणाममा गाँजासहित मानिस पक्राउ पर्नु र इनरुवाबाट एक साथ ठुलो परिणाममा नक्कली नोट पक्राउ परेको घटनाले गाँजा कनेक्सनको खोजीमा प्रहरी जुटेको हो ।

कोशी प्रदेशका पहाडी जिल्लामा उत्पादन भएको गाँजा तराई ट्रान्जिट हुँदै सीमापारी भारत निकासी हुने गरेको छ । पहाडको गाँजा तराई हुँदै भारतसम्म पुर्याउन उत्पादक, त्यसका कारोबारीसँगै भारतीय नागरिक समेत संलग्न रहेको आरोपमा पक्राउ पर्ने गरेका छन् ।

शनिबार र आइतबार सुनसरीमा दुईवटा घटनाको संयोग परेको छ । शनिबार सुनसरीको ईनरुवा नगरपालिका–४ बाट १ करोड ८२ लाख ५१ हजार नेपाली नक्कली नोटसहित एकजना भारतीय नागरिकलाई पक्राउ पक्राउ गरेका थिए।

त्यस्तै धरान उपमहानगरपालिका–१३ जिरोप्वाइन्टबाट १४९ किलो गाँजासहित १४ जना आइतबार पक्राउ परेका थिए । गाँजासहित पक्राउ पर्नेमा भारतीय नागरिक छन् । पहाडी क्षेत्रमा उत्पादन गाँजा तराई झारेर सीमा कटाउने गिरोह कोशीमा सक्रिय रहेको तथ्यांकले नै पुष्टि गर्दछ ।

मंगलबार बिहान १ः०५ बजे बराहक्षेत्र–९ राजाबासमा टाटा सुमो गाडीमा ४०६ केजी गाँजासहित दुईजनालाई इलाका प्रहरी कार्यालय महेन्द्रनगरको टोलीले पक्राउ गरेको छ ।

गाँजासहित धरान–४ का २५ वर्षीय सूर्य राई र भोजपुर हतुवागढी–८ का २७ वर्षीय नारायणबहादुर राईलाई गाँजासहित भाग्न खोज्दा दुई राउन्ड गोली चलाएर नियन्त्रणमा लिइएको हो । विशेष सूचनाको आधारमा प्रदेश ०१–०२–००१ ज ४०५० नम्बरको टाटा सुमो गाडीमा प्लास्टिकको बोरामा प्याक गरेको १३ बोरा गाँजा बरामद गरिएको छ ।

कोशीका प्रहरी नायवमहानिरीक्षक चन्द्रकुवेर खापुङले सुनसरीमा आइतबार पक्राउ गरिएको नक्कली नोटसँग गाँजा कारोबारको संभावनाका बारेमा अनुसन्धान प्रारम्भिक चरणमा रहेकोले अहिले नै स्थापित भईनसकेको बताए । प्रहरी नायवमहानिरीक्षक खापुङले यो संभावना नकार्न नसकिने भएकोले अनुसन्धान सुक्ष्म तवरले गरिने जानकारी दिएका छन् ।

प्रहरी नायवमहानिरीक्षक खापुङले नक्कली नोट लिएर आएको गाडी र गाँजा बोकेर आएको गाडीबीचको कनेक्सन, दुवै गाडीमा सवारबीचको कुराकानी र सम्बन्धको विषयमा अनुसन्धान गरिने बताए । उनले अनुसन्धानको प्रारम्भकै यो कुरा स्थापित भईनसकेपनि नकार्न नसकिने संभावना रहेको बताए ।
कोशीमा गाँजा कारोबारी पक्राउको फेहरिस्त दैनिक जोडिदै गएको छ । धरानबाट आइतबार १४९ किलो गाँजासहित पक्राउ परेका १४ जना धनकुटाबाट धरानतर्फ आउँदै गरेका थिए ।

उनीहरु बीआर १० पी ९१५४ र एमपी १७ टीए ०५१२ नम्बर गाडीमा सवार थिए । चेकजाँच गर्ने क्रममा गाँजा बरामद भएको थियो । गाँजा ओसारपसारमा सक्रिय भारतको बिहारका ३१ वर्षीय मनोरन्जन मुइमार, ३९ वर्षीया गोपी मण्डल, २३ वर्षीय सञ्जयकुमार मण्डल, ३५ वर्षीया रेखा देवी पक्राउ परेका छन् ।
यसैगरी अन्य ३५ वर्षीया रिकंीदेवी, ३५ वर्षीया दया मण्डल, ३७ वर्षीय राजेश मण्डल, ४० वर्षीया पुनम देवी र २४ वर्षीया गुडिया देवी छन् ।

गाँजा ओसारपसारमा बीआर १० एजे ४४८६ नम्बरको कार चालक भारतको बिहारका २३ वर्षीय सन्तोष साह, कारमा सवार २३ वर्षीय अंकितकुमार यादव, राजा जैसवाल, शिवम सिंह र सत्यम यादवको पनि संलग्नता खुलेपछि पक्राउ गरिएको छ ।

जिल्ला प्रहरी कार्यालय सुनसरीले भारतको बिहार राज्य बिरपपुर–५ का २२ बर्षीय छोटु भनिने मोहमद सैयाद साफीलाई शनिबार पक्राउ गरेर आइतबार नै सार्वजानिक गरेको छ ।

उनले भारतीय गाडीमा नक्कली नेपाली नोट लिएर आउने क्रममा चेकजाँचका क्रममा पक्राउ परेका थिए । बीआर ११ एक्स ३४२९ नम्बर गाडीका चालक साफी विरुद्ध जिल्ला प्रहरी कार्यालय सुनसरीबाट थप अनुसन्धान भईरहेको छ ।

कमेन्ट गर्नुहोस्
सम्बन्धित

सुनसरी । नेपाली मुस्लिम समाज सुनसरीले प्रधानमन्त्रि पुष्पकमल दाहाललाई ज्ञापन पत्र बुझाएका छन् । नेपाली मुस्लिम समाज सुनसरीका एक प्रतिनिधि मण्डलले विभिन्न माँग तथा ध्यानाकर्षण सहितको ज्ञापन पत्र जिल्ला प्रशासन कार्यालय सुनसरी मार्फत बुझाएको हो । सो ज्ञापन पत्रमा नेपाल बहुजातिय , बहुधार्मिक एवं बहुसाँस्कृतिले भरिएको देश हो । बहुजातिय , बहुभाषिक बहुधार्मिक , बहुसाँस्कृतिक […]

विराटनगर । मोरङमा सभा, सम्मेलन गर्न रोक प्रशासनले रोक लगाएको छ । विराटनगर १५ र १७ नम्बर वडामा बुधबार दुई समूहको झडप भएपछि जिल्ला प्रशासन कार्यालय मोरङले एक सूचना जारी गर्दै भेला र सम्मेलन गर्न रोक लगाएको हो । सहायक प्रमुख जिल्ला अधिकारी प्रदीपकुमार साहद्धारा जारी सूचनामा भनिएको छ, ‘जिल्ला सुरक्षा समितिमा छलफल भई मोरङ जिल्लाको […]

इलाम । बिदाबाहेक सधैंजसो अनिवार्य कार्यालयमा उपस्थित हुने धरान उपमहानरपालिकाका मेयर हर्क साम्पाङ मंगलबार भने कार्यालयमा थिएनन् । उनी इलाममा हुने चुनावी सभालाई सम्बोधन गर्न इलाम पुगेका छन् । उनले इलाम पुगेर इलाम २ मा डकेन्द्रसिं थेगिमलाई भोट गर्न अपिल गरेका छन् । मङ्गलबार यहाँ आयोजित चुनावी सभालाई सम्बोधन गर्दै साम्पाङले स्वतन्त्र उम्मेदवार थेगिमलाई भोट […]