१२ बैशाख २०८१, बुधबार
24-04-2024 , Wed
×

जिम्मेवार पत्रकारिता गर्न मन्त्री श्रेष्ठको आग्रह

Logo
नमो अनलाईन प्रकाशित बिहिबार, फाल्गुण ०३, २०८०

तस्विर : फाईल

चितवन । बागमती प्रदेश सरकारका प्रवक्ता तथा आन्तरिक मामिला तथा कानुन मन्त्री गंगानारायण श्रेष्ठले तथ्यांकमा आधारित जिम्मेवार पत्रकारिता गर्न पत्रकारहरुलाई आग्रह गरेका छन् ।

बिहीबार सञ्चार रजिस्ट्रार कार्यालय हेटौंडाले चितवनको सौराहमा आयोजना गरेको ‘तथ्यांकमा आधारित पत्रकारिता तालिम र मौलिक चलचित्र निर्माण तथा प्रवर्द्धनमा सहयोग कार्यक्रम’ को उद्घाटन गर्दै मन्त्री श्रेष्ठले तथ्यांकमा आधारित पत्रकारिता गर्न आग्रह गरेका हुन् । उनले प्रविधिको विकास सँगसँगै तथ्यांकमा आधारित जिम्मेवार र जबाफदेही पत्रकारिता हुन छाडेको भन्दै चिन्ता व्यक्त गरे । उनले ‘फास्टफुड पत्रकारिता’ गर्ने प्रवृत्ति बढ्दै गएको बताए । मन्त्री श्रेष्ठले फस्टफुड स्वास्थ्यको लागि हानिकारक भएजस्तै ‘फास्टफुड पत्रकारिता’ पनि हानिकारक हुने बताए ।

मन्त्री श्रेष्ठले नेताहरूले भाषण गर्ने र पत्रकारले निबन्ध लेख्ने तरिका बदल्नु पर्ने बताए । उनले एउटा कुशल र असल पत्रकारले नागरिकलाई सूचना मात्रै नदिएको भन्दै विचार निर्माणमा समेत मद्दत गरिरहेको हुने बताए । उनले सूचना, विचार र ज्ञानका लागि पत्रकारले निबन्ध नभई तथ्यांकमा आधारित सूचना र तथ्यमा आधारित विचार लेख्नुपर्नेमा जोड दिए । उनले प्रदेश सरकारले सञ्चार रजिस्ट्रारको कार्यालयमार्फत पत्रकारहरूको क्षमता अभिवृद्धिका लागि विभिन्न कार्यक्रमहरु गरिरहेको जानकारी दिए । पत्रकारहरूको क्षमता अभिवृद्धिका लागि बागमती प्रदेश सरकार प्रतिबद्ध रहेको उनको भनाई छ ।

मन्त्री श्रेष्ठले बागमती प्रदेशमा चलचित्र सम्बन्धी ऐन निर्माणको प्रक्रिया अघि बढेको पनि जानकारी दिए । उनले मौलिक चलचित्र निर्माण तथा प्रवर्द्धन सम्बन्धी प्रशिक्षणबाट प्रशिक्षार्थीहरूले सिकेको ज्ञानलाई व्यवहारमा प्रयोग गर्न प्रदेश सरकारले सहयोग गर्ने बताए । उनले प्रदेश सरकारले उत्कृष्ट ठहर्‍याएका पटकथाको चलचित्र, वृत्तचित्र बनाउन चाहेमा सरकारले। एक लाख रुपैयाँ आर्थिक सहयोग र अन्य सहयोगहरू पनि गर्ने बताए । मन्त्री श्रेष्ठले प्रदेश सरकारले विभिन्न मातृभाषामा बन्ने चलचित्रलाई प्राथमिकता दिने बताए ।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]