तस्विर : नमो अनलाईन
इनरुवा । कोसी प्रदेशका मुख्यमन्त्री केदार कार्कीले इनरुवा दुहबी सडक चाँडै निर्माण कार्य सुरु हुने बताउनुभएको छ ।
सुनसरी सदरमुकाम इनरुवा १ मा आज स्थानीय जनतासंगको कुराकानीका क्रममा मुख्यमन्त्री कार्कीले सो कुरा बताउनुभएको हो ।
उहाँले इनरुवा दुहबी सडक निर्माणका लागि टेण्डर प्रक्रिया अगाडि बढेका कारणले छिट्ै निर्माण कार्य सुरु हुने बताउनुभयो । इनरुवा दुहबी सडक निर्माणको कार्य प्रदेश की संघीय सरकारले निर्माण गर्ने बिषयमा अन्यौलता भएका बेलामा अब त्यो अन्यौलताको अन्त भएका कारणले छिटै निर्माण कार्य सुरु हुने बताउनुभयो ।
फरक प्रसङगमा बोल्नुहुदै मुख्यमन्त्री कार्कीले कोसी प्रदेशका सबै वर्गका, क्षेत्र, समुदायका १० बर्ष मुनिका बालबालिकालाई प्रदेश सरकारले निःशुल्क रुपमा स्वास्थ्य उपचारका लागि व्यवस्था गरेको उल्लेख गर्नुभयो । कोसी प्रदेशमा रहेका धनि, गरिव, बिपन्न, पछाडि परेका व्यक्ति लगायतका सबै क्षेत्र, धर्म, जातजातिका १० बर्ष भित्रका बालबालिकालाई प्रदेश सरकारले निःशुल्क उपचार गर्ने लक्ष्य लिएको उहाँले जानकारी दिनुभयो ।
सुनसरीको समग्र विकासका लागि प्रदेश सरकारले तयार रहेको बताउनुहुदै मुख्यमन्त्री कार्कीले यस जिल्लामा दिर्घकालीन प्रभाव पार्ने योजना लिएर आउनका लागि आग्रह गर्नुभयो । टुक्रे योजना भन्दा जनतालाई प्रत्यक्ष फाईदा हुने योजना लिएर आउनका लागि आग्रह गर्नुभयो ।
कार्यक्रममा नेपाली काङग्रेसका केन्द्रिय सदस्य राजिव कोइराला, पूर्व राज्यमन्त्री सिताराम मेहता, जिल्ला समन्वय समिति सुनसरीका सभापति राजन मेहता, इनरुवा नगरपालिकाका प्रमुख केदार भण्डारी, उपप्रमुख बिनिताकुमारी मेहता, इनरुवा ५ का वडा अध्यक्ष अनिल पोखरेल, नेपाली काङग्रेस सुनसरीका पंकज महतो, बिरेन्द्रकुमार साह लगायतको सहभागीता रहेको थियो । सहभागीले इनरुवा दुहबी सडक निर्माणको कार्य इनरुवाबाट सुरु गर्नका लागि आग्रह गरेका थिए
