१२ बैशाख २०८१, बुधबार
24-04-2024 , Wed
×

ललिता निवास जग्गा प्रकरणमा सफाइ पाएपछि पूर्वमन्त्री जोशीले दिए धन्यवाद

Logo
नमो संवाददाता प्रकाशित शुक्रबार, फाल्गुण ०४, २०८०

तस्विर : नमो अनलाईन

काठमाडौं । ललिता निवास जग्गा प्रकरणमा भ्रष्टाचारको मुद्दामा विशेष अदालतबाट सफाइ पाएका पूर्व मन्त्री चन्द्रदेव जोशीले ६० वर्ष लामो राजनीतिक जीवनप्रति सम्मान भएको महसुस गरेको बताएका छन्।

शुक्रबार जोशीले सामाजिक सञ्जाल फेसबुकमा स्टाटस पोष्ट गर्दै यस्तो बताएका हुन्।

‘विशेष अदालतको हिजोको फैसलाबाट आफूले न्याय पाएको अनुभूति गरेको छु। निष्ठा र इमान्दारीपूर्वक निभएको ६० वर्ष लामो राजनीतिक जीवनप्रति पनि सम्मान पाएको महसुस गरेको छु। विशेष अदालत र सबै न्यायमूर्तिहरूलाई पनि धन्यवाद व्यक्त गर्दछु,’ उनले लेखेका छन्।

अख्तियार दुरूपयोग अनुसन्धान आयोगले चार वर्षअघि उनलाई बालुवाटारको सरकारी जग्गा (ललिता निवासको जग्गा) व्यक्तिका नाममा पुर्याउन भूमिका खेलेको भन्दै भ्रष्टाचार मुद्दा लगाएको थियो।

‘सम्पूर्ण जीवन, सिद्धान्त र इमान्दारीको राजनीति गर्दै आएको हुँ र गरी नै रहने छु। राजनीतिक जीवन होस् वा इन्जिनियरका रूपमा पेशागत जीवन, कुनै पनि क्षेत्रमा इमान्दारी र सादगीपनलाई नै आफ्नो मूल मान्यता मानेर काम गरेको हुँ,’ उनले भने, ‘तर जीवनको उत्तरार्द्धमा आएर लागेको भ्रष्टाचारको यो मिथ्या आरोप सहन निकै मुस्किल थियो।‘

अख्तियारले उनीविरूद्ध ७ करोड ८ लाख ४८ हजार भ्रष्टाचार गरेको अभियोग लगाएको थियो। उनलाई ११ देखि १३ वर्षसम्म कैद सजाय हुनुपर्ने माग पनि अख्तियारको थियो।

बिहीबार विशेष अदालतले भने उनलाई उक्त अभियोगबाट सफाइ दिएको छ। उनले तलबाट आएको फाइल मन्त्रिपरिषदमा पेश गर्न स्वीकृतिसम्म दिएको र त्यसमा कुनै बदनियत नदेखिएको भन्दै विशेषले सफाइ दिएको हो।

जोशीले अदालत, आफ्ना वकिलहरू र मुस्किल समयमा साथ दिने शुभचिन्तकहरूलाई धन्यवाद दिएका छन्।

कमेन्ट गर्नुहोस्
सम्बन्धित

इलाम । इलाम क्षेत्र २ मा आउँदो १५ गते उपनिर्वाचन हुँदैछ । निर्वाचनको साताअघि इलाम सदरमुकामको चोकबजारमा बिहीबार ‘नो भोट’ भन्दै सयौंको भिडमा कार्यक्रम चलिरहेको छ । अभियानमा सहभागी हुन झापातिरबाट दर्जनौं सवारी साधनमा हुलका हुल मानिस आएका छन् । र, उनीहरूले भारतीय नम्बरका सवारी साधन ल्याएका छन् । उनीहरूले ल्याएका भारतीय सवारीमा नेपालको राष्टिूय झन्डा […]

बुटवल । लुम्बिनी प्रदेश सरकारमा नेकपा एकीकृत समाजवादी पनि सहभागी भएको छ । मुख्यमन्त्री जोखबहादुर महराले समाजवादीकी सांसद भगवती अधिकारीलाई बिहीवारनै मन्त्री नियुक्त गरेका हुन् । उनलाई अहिले कुनै मन्त्रालयको जिम्मेवारी दिइएको छैन । अधिकारी रुपन्देहीकी हुन् । यसअघि उने आजै नेकपा एमालेबाट ५, माओवादी केन्द्रबाट १, जनता समाजवादी पार्टी ९जसपा०, स्वतन्त्र, नागरिक उन्मुक्ति पार्टी […]

विराटनगर । निर्माण सुरु भएको वर्षौं बितिसक्दा पनि मोरङ जिल्लाका ५ वटा स्थानीय पालिका जोडिने हाटखोला–रङ्गेली हुलाकी सडक नबनेपछि यहाँका स्थानीय आन्दोलनमा उत्रिएका छन् । उक्त सडक निर्माण कार्यमा ढिलासुस्ती भएको भन्दै नेपाली काङ्ग्रेस कटहरी गाउँपालिकाको अगुवाइमा स्थानीयले एक घण्टा सडक अवरुद्ध गरेर आन्दोलनमा उत्रिएका हुन् । उनीहरू बिहीबार साढे ९ देखि साढे १० बजेसम्म सडकमा […]