१२ बैशाख २०८१, बुधबार
24-04-2024 , Wed
×

मोरङमा बोक्सी भन्दै महिलालाई कुटपिट एवं मलमूत्र खुवाएर यातना दिएको आरोपमा एक जना पक्राउ

Logo
नमो संवाददाता प्रकाशित शुक्रबार, फाल्गुण ०४, २०८०

तस्विर : नमो अनलाईन

विराटनगर । मोरङमा बोक्सी भन्दै एक जना महिलालाई कुटपिट एवं मलमूत्र खुवाएर यातना दिएको आरोपमा एक जनालाई प्रहरीले पक्राउ गरेको छ।

जिल्ला प्रहरी कार्यालय मोरङका डिएसपी रञ्जनकुमार दाहालका अनुसार पक्राउ पर्नेमा बुढीगंगा गाउँपालिका-७ की पारो माझी छन्।

उनले छिमेकी समेत रहेकी महिलालाई बिहीबार यातना दिएर अमानवीय व्यवहार गरेको पाइएको हो। घटना बिहीबार दिउँसो साढे २ बजेतिरको हो।

पारोले आफूलाई झाँक्री/तान्त्रिकको रूपमा चिनाउँछिन्। उनको घरमा पूजा लगाइएको थियो। पूजा लगाउनेक्रममा दियो हराएको निहुँमा यातना दिइएको डिएसपी दाहालले बताए।

‘पूजामा भएको दियो हराएको भन्ने रहेछ। हराएपछि उहाँले आफ्नो तन्त्रमन्त्र गर्नुभयो। त्यसपछि छिमेकी महिलाले लुकाएको भन्दै बोक्सी भन्दै यातना दिन थाल्नुभएको रहेछ,’ उनले भने, ‘यसरी मलमूत्र समेत खुवाइएको रहेछ।’

यसबारे साँझ साढे ५ बजेतिर प्रहरीलाई खबर भएको थियो। उक्त खबरपछि प्रहरीले पारोलाई पक्राउ गरेको हो।

अहिले उनीमाथि जिल्ला अदालत मोरङबाट म्याद थप गर्ने तयारी भइरहेको डिएसपी दाहालले बताए।

कमेन्ट गर्नुहोस्
सम्बन्धित

सुनसरी । नेपाली मुस्लिम समाज सुनसरीले प्रधानमन्त्रि पुष्पकमल दाहाललाई ज्ञापन पत्र बुझाएका छन् । नेपाली मुस्लिम समाज सुनसरीका एक प्रतिनिधि मण्डलले विभिन्न माँग तथा ध्यानाकर्षण सहितको ज्ञापन पत्र जिल्ला प्रशासन कार्यालय सुनसरी मार्फत बुझाएको हो । सो ज्ञापन पत्रमा नेपाल बहुजातिय , बहुधार्मिक एवं बहुसाँस्कृतिले भरिएको देश हो । बहुजातिय , बहुभाषिक बहुधार्मिक , बहुसाँस्कृतिक […]

विराटनगर । मोरङमा सभा, सम्मेलन गर्न रोक प्रशासनले रोक लगाएको छ । विराटनगर १५ र १७ नम्बर वडामा बुधबार दुई समूहको झडप भएपछि जिल्ला प्रशासन कार्यालय मोरङले एक सूचना जारी गर्दै भेला र सम्मेलन गर्न रोक लगाएको हो । सहायक प्रमुख जिल्ला अधिकारी प्रदीपकुमार साहद्धारा जारी सूचनामा भनिएको छ, ‘जिल्ला सुरक्षा समितिमा छलफल भई मोरङ जिल्लाको […]

इलाम । बिदाबाहेक सधैंजसो अनिवार्य कार्यालयमा उपस्थित हुने धरान उपमहानरपालिकाका मेयर हर्क साम्पाङ मंगलबार भने कार्यालयमा थिएनन् । उनी इलाममा हुने चुनावी सभालाई सम्बोधन गर्न इलाम पुगेका छन् । उनले इलाम पुगेर इलाम २ मा डकेन्द्रसिं थेगिमलाई भोट गर्न अपिल गरेका छन् । मङ्गलबार यहाँ आयोजित चुनावी सभालाई सम्बोधन गर्दै साम्पाङले स्वतन्त्र उम्मेदवार थेगिमलाई भोट […]