तस्विर : नमो अनलाईन
काठमाडौं । नेपाली कांग्रेसले महासमिति सदस्यहरूलाई बैठकस्थलमा आवतजावतका लागि २० वटा बसको व्यवस्था गरेको छ।
कार्यालय सचिव कृष्णप्रसाद पौडेलले दिएको जानकारीअनुसार चारवटा रूटमा २० वटा बसको व्यवस्था गरिएको हो।
गौशालाबाट ६ वटा, नारायणगोपाल चोकबाट २ वटा, नयाँ बसपार्कबाट ४ वटा र भद्रकालीबाट ६ वटा बस छुट्ने पौडेलले बताए।
कांग्रेसले छुटेका महासमिति प्रतिनिधिहरूलाई सातदोबाटोको नेपाल विज्ञान तथा प्रविधि प्रज्ञा प्रतिष्ठान (नाष्ट) को कार्यालय अगाडिबाट लैजाने र गोदावरीबाट फर्किन ६ बजे आ-आफ्नो रूटका बस चढ्नुपर्ने पनि कांग्रेसले जनाएको छ।
नेपाली कांग्रेसको महासमिति बैठक ललितपुरको गोदावरीमा सोमबार उद्घाटन हुँदैछ। बैठक तीन दिनसम्म चल्नेछ।
