१२ बैशाख २०८१, बुधबार
24-04-2024 , Wed
×

सपोर्ट लघुबित्त द्वारा हडियामा सम्पन भयो बित्तीय साक्षरता तथा केन्द्र प्रमुख गोष्ठी

Logo
नमो संवाददाता प्रकाशित मंगलबार, फाल्गुण ०८, २०८०

तस्विर : नमो अनलाईन

उदयपुर। कोशी प्रदेश अन्तर्गत उदयपुरको चौदण्डीगढी नगरपालिका वडा नं. १० मा अवस्थीत सपोर्ट लघुवित्त वित्तिय संस्था लिमिटेड शाखा कार्यालय हडियाले १ दिने वित्तिय साक्षरता तथा केन्द्र प्रमुख गोष्ठी कार्यक्रम सम्पन्न गरेको छ ।

उक्त कार्यक्रममा सभा अध्यक्षको आशन ग्रहण केन्द्र नं. ०६२ कि बन्दना आचार्य ज्यू गर्नु भएको थियो भने उक्त वडा नं. १० को वडा अध्यक्ष श्री धर्मेन्द्र खडका ज्यू प्रमुख अतिथि, वडा सचिव श्री कोपिला गिरि विशेष अतिथिको आशन ग्रहण गर्नु भएको थियो । उक्त कार्यक्रममा विभिन्न केन्द्रहरुबाट केन्द्र प्रमुख, उप प्रमुख, सदस्य र अविभावक गरि जम्मा १०६ जना उपस्थिति संगै , शाखाको सबै कर्मचारी तथा केन्द्रीय कार्यालयबाट संचालन, अनुगमन तथा अनुपालना/कर्जा तथा जोखिम व्यवस्थापन विभागको विभागिय प्रमुख तथा कार्यक्रम सँयोजक सँजय कुमार चौधरी र आन्तरिक लेखा परिक्षक्षण विभागका कर्मचारी सोकेन्द्र कुमार रायको समेत उपस्थिति रहेको थियो ।

उक्त कार्यक्रममा साना तथा मझौला ब्यापारी कृषक महिलाहरुलाई विशेष गरी लघुवित्त कर्जा, बचत, विमा, विप्रेशन सम्बन्धि व्यवसाय दर्ता, व्यवसायको योजना, कर्जा सदुपयोगिता, वित्तीय व्यवस्थापन, व्यापार बिस्तार, महिला सचेतना, महिला सशक्तिकरण, लघुबित्तले समाजमा पारेको सकारात्मक भुमिका र बैकिङ सम्बन्धि महत्वपुर्ण जानकारी प्रदान गरिएको थियो ।

यस क्षेत्रमा सपोर्ट लघुवित्तले अति विपन्न तथा निम्न वर्गको लागि राम्रो काम गरेको तथा सदस्यहरु आत्म निर्भर समेत भएको जानकारी प्रमुख अतिथिले गर्नु भएको थियो ।

सपोर्ट लघुवित्त वित्तीय संस्थाले समुहमा आबद्ध सबै क्षेत्र र बर्गका साना तथा मझौला ब्यापारी, कृषकहरुलाई प्रोत्साहन, सचेतना र सशक्तिकरण गर्ने उदेश्यले यस्ता कार्यक्रम गरिएको र आगामि दिनमा पनि यस्ता वित्तीय साक्षरता कार्यक्रमहरु संचालन गर्दै जाने हडिया शाखाको शाखा प्रमुख अमर कुमार यादवले जानकारी दिनु भयो ।

उक्त कार्यक्रम चौडण्डीगढी नगरपालिका वडा नं.१० को सभा हलमा कार्यक्रम सम्पन्न भए संगै कार्यक्रममा उपस्थित प्रमुख अतिथि, विशेष अतिथि, अतिथि तथा उत्कृष्ठ केन्द्र , उत्कृष्ठ बचत कर्ता तथा उत्कृष्ठ ऋणिहरुलाई प्रसंशा पत्र, खादा, माला र मायाको चिनो प्रदान गरी सम्मान समेत गरेको थियो । कार्यक्रममा शाखा प्रमुखले स्वागत मन्तव्य संगै कार्यक्रमको उदेश्य तथा महत्वको बारेमा प्रष्ट पार्नु भएको थियो ।

उक्त कार्यक्रममा संचालन, अनुगमन तथा अनुपालना/कर्जा तथा जोखिम व्यवस्थापन विभागको विभागिय प्रमुख तथा कार्यक्रम सँयोजक सँजय कुमार चौधरी तथा आन्तरिक परिक्षण विभागको सोकेन्द्र कुमार रायले प्रशिक्षकको रुपमा प्रशिक्षण गरेको र उक्त कार्यक्रम बिहान 10 बजे देखि बेलुका 4:45 सम्म भएको सोहि शाखाको शाखा प्रमुखले बताउनु भयो !

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]