१२ बैशाख २०८१, बुधबार
24-04-2024 , Wed
×

शिक्षक महासंघ बर्जुको अध्यक्षमा विजय चौधरी सर्वसम्मत

Logo
नमो अनलाईन प्रकाशित सोमबार, जेठ २९, २०८०

देवानगञ्ज । शिक्षक महासंघ नेपालअन्तर्गत सुनसरीको बर्जु गाउँपालिकामा नयाँ कार्यसमिति गठन भएको छ। बर्जुमा शिक्षक महासंघ नेपालको ७७ वटा जिल्लामध्ये पहिलो भन्ने सर्वसहमत रूपमा गठन भएको हो। विजय चौधरीको अध्यक्षमा गठन भएको उक्त समितिमा जम्मा २३ जना सदस्य रहेका छन्।

तात्कालीन नेपाल शिक्षक युनियन, शैक्षिक गणतान्त्रिक मञ्च र मधेशी शिक्षक युनियन को रूपान्तरित साझ संस्थाको रूपमा गठन भएको नेपाल शिक्षक महासंघ– नेपाली शिक्षकहरूको एक मात्र आधिकारिक युनियन हो ।

२०७१ सालमा जन्मिएको महासंघले यताका वर्षमा सामान्य परिचय बनाए पनि यसलाई राज्य, राजनीतिक दल र कर्मचारीतन्त्र, गैरसरकारी क्षेत्रका साथै शिक्षा क्षेत्रमा क्रियाशील व्यक्ति तथा संघसंस्था र स्वयं यसका आबद्ध घटक संस्था र तिनका नेताहरूले समेत उचित महत्वव र हैसियत प्रदान गरिरहेका छैनन् ।

शिक्षक समुदायका पेशागत युनियनलाई कुनै पनि देशमा शिक्षा विकासको एक महत्वपूर्ण पक्षका रूपमा स्वीकारिएको पाइन्छ । तर सँगसँगै राज्य, गैरसरकारी संघसंस्था, शिक्षा अभियन्ता र कतिपय शिक्षाविद्हरूले समेत शिक्षकका तिनै संगठन र तिनको उपस्थितिलाई रुचाइरहेको पाइँदैन ।

अझ्, नेपाल जस्ता शासन प्रशासनमा दलगत प्रभाव ज्यादा रहेका विकासोन्मुख देशहरूमा बलियो र स्वतन्त्र शिक्षक युनियन बन्न नदिने प्रवृत्ति शिक्षक युनियनभित्र र बाहिर दुवैतिर पाइन्छ । नेपाल शिक्षक महासंघ पनि केही हदसम्म त्यही प्रवृत्तिको शिकार भएको बुझन कठिन छैन ।

समिति गठन कार्यक्रममा नेपाल शिक्षक संगठनका अध्यक्ष युवराज श्रेष्ठले बर्जु गाउँपालिकामा मात्रै गठन भएर आफूहरूका माग–मुद्दाहरु पूरा हुन नसक्ने जनाए।

यस्तै, नेपाल शिक्षक संघ बर्जुका अध्यक्ष बिनोद गुरुङले पटकपटक ध्यानाकर्षण गराए पनि शिक्षा ऐन प्रभावकारी हुन नसकेको बताए ।

कार्यक्रममा नेपाल शिक्षक संघका जिल्ला सचिव रोहनराज कार्की, प्रल्हादकुमार कामत, नेपाल शिक्षक संगठनका उपाध्यक्ष सत्यनारायण मेहता, नेपाल शिक्षक संगठनका जिल्ला अध्यक्ष रमानन्द मण्डल र नेपाल शिक्षक महासंघ निर्वाचन समितिका जिल्ला संयोजक भुमिका देवि मगरले नवगठित समितिलाई शुभकामना दिएका थिए।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]