तस्विर : फाईल
इनरुवा । सुनसरीको इटहरी उपमहानगरपालिका २० तरहरामा सवारी दुर्घटनामा आज एक शिक्षकको मृत्यु भएको छ ।
मृत्यु हुनेमा स्थानीय ३८ वर्षीय तेन्जिङ तामाङ (तितुङ) रहेको सुनसरीका प्रहरी नायव उपरीक्षक नविनकृष्ण भण्डारीले जानकारी दिनुभयो ।
उत्तरबाट दक्षिणतर्फ जाँदै गरेको मे १० प ४९२९ नम्बरको स्कुटर आफैं अनियतन्त्रित भएर सडकको साइडमा रहेको स्कुलको भित्तामा ठक्कर हुँदा तामाङको मृत्यु भएको प्रहरीले जनाएको छ ।
दुर्घटनामा गम्भीर घाईते भएका तमाङको उपचारको क्रममा धरान स्थित वीपी कोइराला स्वास्थ्य विज्ञान प्रतिष्ठानमा मृत्यु भएको प्रहरीले जनाएको छ । मृतक तितुङ तरहरा स्थित प्याराडाइज बोर्डिङ स्कुलका शिक्षक रहेको प्रहरीको प्रारम्भिक अनुसन्धानबाट खुलेको छ ।
साथीसँग भेटघाट गरी घर आउने क्रममा दुर्घटना भएको प्रहरीले जनाएको छ । घटनाको बिषयमा थप अनुशन्धान भइरहेको जिल्ला प्रहरी कार्यालय सुनसरीले जनाएको छ ।
