१२ बैशाख २०८१, बुधबार
24-04-2024 , Wed
×

धार्मिक गतिवधिले प्रहरी र सामुदायबीचको आपसी सदभाव कायम हुन्छ : प्रहरी प्रमुख खापुङ

Logo
अजित झा प्रकाशित शुक्रबार, फाल्गुण ११, २०८०

तस्विर : नमो अनलाईन

इनरुवा । कोशी प्रदेशका प्रहरी प्रमुख प्रहरी नायव महानिरीक्षक चन्द्रकुबेर खापुङले धार्मिक गतिवधिले प्रहरी र सामुदायबीचको आपसी सदभाव कायम गर्ने बताउनुभएको छ ।

सुनसरीको हरिनगर गाउँपालिका–४ स्थित इलाका प्रहरी कार्यालय हरिनगराको प्राङ्गणमा शुक्रबार भगवति मन्दिरको समुदघाटन कार्यक्रमलाई सम्वोधन गर्नुहुँदै उहाँले सो कुरा बताउनुभएको हो ।

धार्मिक गतिवधिले प्रहरी र सामुदायबीचको आपसी सदभाव कायम गर्ने बताउनुहुदै भाइचारा, बन्धुत्वको विकास र सदाचारले निष्ठवान सेवा गर्न थप योगदान पुग्ने उहाँले बताउनुभयो ।

इलाका प्रहरी कार्यालय हाताभित्र मन्दिर निर्माणले पनि प्रहरी र समुदायबीचको सम्वन्धलाई मजबुत बनाउनका लागि मदत पुग्ने बताउनुहुँदै धर्मको रक्षा गर्नु हामी सबैको कर्तब्य भएको उहाँले उल्लेख गर्नुभयो ।

प्रहरी सधैं जनताको सहयोगी र सेवकको रुपमा काम गर्दै आइरहेकाले आगामी दिनमा समन्वय र सहकार्यका लागि कोशी प्रदेश प्रहरी कार्यालय तयार रहेको कोसी प्रदेशका प्रहरी प्रमुख खापुङको भनाई रहेको थियो ।

कार्यक्रममा हरिनगर गाउँपालिकाका अध्यक्ष हाजी गफार अन्सारीले सामाजिक सदभावलाई कायम गर्न सबैले आ–आफनो ठाउँबाट भूमिका निर्वाह गर्नुपर्नेमा जोड दिनुभयो । उहाँले पालिकाभित्र एकता, समन्वय र सहकार्यले कुनै पनि हिन्दु र मुस्लिम समुदायबीच अप्रिय घटना नभएको बताउनुभयो ।

७ लाख ११ हजार भन्दा बढी रकम सङकलन गरेर मन्दिर निर्माण सम्पन्न गरिएको मन्दिर समितिका राजेश कुमार पालले जानकारी दिनुभयो । जनश्रमदानबाट रकम सङकलन गरेर उदाहरणीय काम गरेको चर्चा गर्नुहुँदै उहाँले सहयोगी हातलाई धन्यवाद दिनुभयो ।

कार्यक्रममा हरिनगर गाउँपालिकाकी उपाध्यक्ष रिमझिम कुमारी भगत, जिल्ला प्रहरी कार्यालय सुनसरीका प्रमुख वीपीन रेग्मी, सुनसरीका प्रमुख जिल्ला अधिकारी जयनारायण अचार्य, हरिनगर–४ का वडा अध्यक्ष देवनारायण मेहता लगायतको सहभागीता रहेका थिए ।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]