तस्विर : नमो अनलाईन
इनरुवा । संस्कृति पर्यटन तथा नागरिक उड्डयन मन्त्री सुदन किरातीले कोसी प्रदेशमा रहेको धार्मिक स्थल प्रदेशकै मातहतमा ल्याउने बताउनुभएको छ ।
प्रेस सेन्टर नेपाल जिल्ला समन्वय समिति सुनसरीले शुक्रबार सुनसरीको धरान उपमहानगरपालिकामा पत्रकार सम्मेलन कार्यक्रमलाई सम्बोधन गर्नुहुदै मन्त्री किरातीले सो कुरा बताउनुभएको हो ।
उहाँले कोसी प्रदेश भरीमा रहेका पाथीभरा, हलेसी, वराहक्षेत्र, कचनकवल लगायतका धार्मिक क्षेत्रलाई प्रदेश सरकार मातहत ल्याउने तयारी भएको र यसका लागि आवश्यक नीति निर्माण गरेको जानकारी दिनुभयो ।
कोशी प्रदेशका धार्मिक स्थललाई प्रदेश सरकार मातहत ल्याउने निर्णय समेत गरिसकेको मन्त्री किरातीले बताउनुभयो ।
