१२ बैशाख २०८१, बुधबार
24-04-2024 , Wed
×

विराटनगरका व्यवसायीहरूसँग महानगर मेयरको गुनासो : राम्रो काम गर्दा पनि आलोचना गरियो

Logo
नमो संवाददाता प्रकाशित बुधबार, फाल्गुण १६, २०८०

तस्विर : नमो अनलाईन

विराटनगर । महानगरको अस्तव्यस्त ट्राफिक व्यवस्थापन गर्दा व्यापार सुक्यो भनी आलोचना गर्ने व्यवसायीहरूले भन्सारमा जोगबनीबाट भित्रिने वस्तुको जाँचपासमा कडाइ गर्न समन्वय गर्दा पनि महानगरपालिकालाई जस नदिएको गुनासो मेयर नागेश कोइरालाले गरेका छन् ।

उद्योग वाणिज्य महासङ्घ कोशी प्रदेशद्वारा आयोजित कार्यक्रममा व्यवसायीहरूसँग गुनासो पोख्दै उनले भने, ‘सरकार र निजी क्षेत्र बिचको सहकार्य बिना मुलुकको आर्थिक विकास हुँदैन ।’

देशको विकासमा निजी क्षेत्रको महत्त्वपूर्ण भूमिका रहँदै आएको उल्लेख गर्दै उनले सरकार र निजी क्षेत्र बिचको सहकार्य प्रभावकारी नभएकै कारण सोचेजस्तो देशको विकास हुन नसकेको बताए ।

जोगबनीबाट वस्तु भित्रिन खुकुलो भएकोले विराटनगरेको व्यापार सुक्यो भनी गुनासो गर्नेहरूले भन्सार जाँचपासमा कडाइ गर्न महानगरपालिकाले समन्वय गर्दा आलोचना गरेको बताउँदै उनै व्यवसायीहरूले विराटनगरको पार्किङ व्यवस्थापन गर्दा व्यापार सुक्यो भनी आलोचना पनि गरेको बताए ।

मेयर कोइरालाले भने, ‘सडकको पार्किङ हटाउँदा व्यापार भएन भनेर भन्नेहरू अहिले पार्किङ सुविधा दिँदा पनि व्यापार भएको कुरा नगर्ने गरेको छैनन् ।’ विराटनगरमा जे गर्दा पनि आलोचना गर्ने मानसिकता हाबी भएको उनको भनाइ थियो ।

कुनै काम गर्न खोज्दा समर्थन हुँदैन भने कसरी सहकार्य हुन्छ ? विराटनगर सबैको हो, जे निर्णय गरे पनि विरोध मात्रै गर्ने हो भने कसले बनाउँछ विराटनगर ? भनी उनले प्रश्न गरे । सहकार्य गर्नका लागि सहअस्तित्व स्वीकार हुनुपर्ने मेयर कोइरालाले आग्रह गरे ।

बूढीगंगा गाउँपालिकाका प्रमुख जीतनारायण थापा मगरले औद्योगिक क्षेत्र समेटिएको पालिकाको विकासमा सहयोग गर्न निजी क्षेत्रसँग आग्रह गरे । उनले निजी क्षेत्रले एउटै राज्यमा तीन स्थानमा कर बुझाउनु परिरहेको बाध्यता कसरी अन्त्य गर्ने भन्ने विषयमा छलफल आवश्यक रहेको बताए ।

कटहरी गाउँपालिकाका अध्यक्ष देवराज चौधरीले लगानी आकर्षण हुन नसक्दा सरकारले निर्माण गरेको संरचना प्रयोगविहीन रहेको बताउँदै निजी क्षेत्रले आफ्नो जिम्मेवारीमा ध्यान दिनुपर्नेमा जोड दिए ।

कार्यक्रममा महासङ्घ कोशी प्रदेशका उपाध्यक्ष भीम पौडेलले सरकार र निजी क्षेत्र बिचको सहकार्यले मात्रै देशको आर्थिक विकास हुने बताए ।

महिला उद्यमी सुनिता छाराहाङ, निशा श्रेष्ठ, कृति श्रेष्ठ, साना तथा मझौला व्यवसायी सङ्घका अध्यक्ष गोपाल बहादुर पराजुलीले सहकार्यमा जोड दिए । उद्योग व्यवसाय क्षेत्रमा आइपर्ने समस्या स्थानीय सरकारले नै समाधान गर्नु आवश्यक रहेकोमा जोड दिए ।

कमेन्ट गर्नुहोस्
सम्बन्धित

सुनसरी । नेपाली मुस्लिम समाज सुनसरीले प्रधानमन्त्रि पुष्पकमल दाहाललाई ज्ञापन पत्र बुझाएका छन् । नेपाली मुस्लिम समाज सुनसरीका एक प्रतिनिधि मण्डलले विभिन्न माँग तथा ध्यानाकर्षण सहितको ज्ञापन पत्र जिल्ला प्रशासन कार्यालय सुनसरी मार्फत बुझाएको हो । सो ज्ञापन पत्रमा नेपाल बहुजातिय , बहुधार्मिक एवं बहुसाँस्कृतिले भरिएको देश हो । बहुजातिय , बहुभाषिक बहुधार्मिक , बहुसाँस्कृतिक […]

विराटनगर । मोरङमा सभा, सम्मेलन गर्न रोक प्रशासनले रोक लगाएको छ । विराटनगर १५ र १७ नम्बर वडामा बुधबार दुई समूहको झडप भएपछि जिल्ला प्रशासन कार्यालय मोरङले एक सूचना जारी गर्दै भेला र सम्मेलन गर्न रोक लगाएको हो । सहायक प्रमुख जिल्ला अधिकारी प्रदीपकुमार साहद्धारा जारी सूचनामा भनिएको छ, ‘जिल्ला सुरक्षा समितिमा छलफल भई मोरङ जिल्लाको […]

इलाम । बिदाबाहेक सधैंजसो अनिवार्य कार्यालयमा उपस्थित हुने धरान उपमहानरपालिकाका मेयर हर्क साम्पाङ मंगलबार भने कार्यालयमा थिएनन् । उनी इलाममा हुने चुनावी सभालाई सम्बोधन गर्न इलाम पुगेका छन् । उनले इलाम पुगेर इलाम २ मा डकेन्द्रसिं थेगिमलाई भोट गर्न अपिल गरेका छन् । मङ्गलबार यहाँ आयोजित चुनावी सभालाई सम्बोधन गर्दै साम्पाङले स्वतन्त्र उम्मेदवार थेगिमलाई भोट […]