तस्विर : नमो अनलाईन
इनरुवा । सुनसरीको दुहबी नगरपालिकामा सडक बिस्तारका नाममा नीजि सम्पत्ति मास्न खोजिएको भन्दै स्थानीयवासीले आजबाट सत्याग्रह सुरु गरेको छ ।
सडक बिभाग रानी इटहरी धरान धनकुटा सडक योजनाको कदमको बिरोधमा रहेका दुहवी बजार क्षेत्रका ६३० मिटर द्यग्क्ष्ीत् ग्ए ब्च्भ्ब् का बासिन्दाले सर्वोच्चको अन्तरिक आदेशको पालनामा जोड दिदै सत्याग्रह सुरु गरेका हुन् ।
सवोच्चको अन्तरिक आदेशको पालनामा सडक बिभागको ध्यानाकर्षण गराउँदै सत्याग्रह थालेको दुहबी बजार बचाऔं नामको संयुक्त संघर्ष समितिले अदालतको निर्णय अक्षरस पालना हुनु पर्र्नेमा जोड दिएको छ ।
सडक बिभागको संरचना खालि गर्ने आशयको सार्वजनिक सूचना उपर सर्वोच्च अदालतबाट तत्काल कार्यान्वयन नगर्नु नगराउनु भनेकाले सोको कार्वान्वयन होस भन्ने एकमात्र माग रहेको संघर्ष समितिका संयोजक मुरलीप्रसाद अग्रहरीले बताउनुभयो ।
सडक बिभागले सर्वोच्चको आदेशको उल्लंघन नगर्नेमा ढुक्क रहेको बताउनुहुदै सत्याग्रह केवल सर्वोच्च अदालतको आदेश पालना होस र गराइयोस भन्ने सवालमा सरोकारवालाको ध्यानाकर्षण केन्द्रित रहेको उहाँले बताउनुभयो । आफुहरुको ध्यानाकर्षण केन्द्रित अभियानलाई निरन्तरता दिइने समेत बताउनुभयो ।
आजको सत्याग्रहकका क्रममा बजार क्षेत्रका ब्यापारीले ब्यापार व्यवसाय बन्द गरेर समर्थन जनाएका थिए । दुहबी बजार बचाऔं संघर्ष समितिले बजार क्षेत्रमा थालेको सत्याग्रहलाई क्रमशः अघि बढाउदै लगिने जनाएको छ ।
