१२ बैशाख २०८१, बुधबार
24-04-2024 , Wed
×

रमदानको अवसरमा केन्द्रिय सदस्य कोइराला र नगरप्रमुख भण्डारीद्धरा शुभकामना

Logo
अजित झा प्रकाशित सोमबार, फाल्गुण २८, २०८०

इनरुवा । मुस्लिम धर्मावलम्बीको पवित्र पर्व एक महिने रमदान भोलिदेखि सुरु हुँदैछ । मुस्लिम समुदायले आत्मशुद्धिका लागि एक महिनासम्म उपवास बसी आत्मसंयमका लागि प्रार्थना गर्ने पर्वको रुपमा रमदान मनाउने गर्दछन् ।

यो एक महिने अवधिमा मुस्लिम धर्मावलम्बीले सहिष्णुता र धैर्यताको प्रतिकको रुपमा पर्व मनाउने गर्दछन् । यो अवधिमा बस्ने उपवासलाई रोजा पनि भनिन्छ । रोजालाई धर्मालम्बीले त्याग र समर्पणका रुपमा लिने गर्दछन् । रमदान महिनाभर महिला भए सात वर्ष माथिका सबै व्यक्ति रोजा बस्नुपर्छ ।

मुसलमानका पाँच महत्वपूर्ण काम मध्ये रोजा, नमाज, जकात र फित्तरामा यही महिना रोजा गर्नुपर्ने हुन्छ । त्यसैले पनि धर्मालम्बीले यस महिनालाई शुभ मान्छन् । घाम उदाउनु भन्दा डेढ घण्टा अगावै सरगाही अर्थात् खानेकुरा खाएर प्रारम्भ गरिने रोजा घाम अस्ताएपछि फलफूल तथा मिठाइ खाएर सकिन्छ ।

संसारभरिका मुस्लिमले रमदानको एक महिनासम्म घाम झुल्किएदेखि सूर्यास्त नहुन्जेलसम्म पानी समेत ग्रहण नगरी कठोर व्रत बस्छन् । इस्लाम धर्ममा रमादानको महिनाभरि स्वर्गको ढोका खुला हुन्छ र नर्कको ढोका थुनिन्छ भन्ने विश्वास छ ।

यसैबीच मुस्लिम धर्मावलम्बीको पवित्र पर्व एक महिने रमदानको अवसरमा नेपाली काङग्रेसका केन्द्रिय सदस्य राजिव कोइरालाले सबैमा शुभकामना व्यक्त गर्नुभएको छ । मुस्लिम धर्मावलम्बीको पवित्र पर्वको रुपमा रमदान सुरु भएकामा सबैमा शुभकामना व्यक्त गर्नुहुदै सबैमा शुभकामना व्यक्त गर्नुभएको हो ।

केन्द्रिय सदस्य कोइरालाले मुस्लिम धर्मावलम्बीको यो पर्वले सबै धर्म र संस्कृति अँगाल्ने नेपाली बीच सौहार्दता र राष्ट्रिय एकताको भावना मजबुत पार्ने विश्वास व्यक्त गर्नुभयो ।

उहाँले रमदानले सबै समुदायका नेपालीबीच राष्ट्रिय एकता, सहिष्णुता र सद्भाव कायम गरी समृद्ध र विकसित समाज निर्माण गर्न प्रेरणा प्रदान गर्ने विश्वास पनि व्यक्त गर्नुभएको छ ।

संविधानले सबै धर्म र संस्कृतिको संरक्षण र संवद्र्धन गर्ने उद्देश्य लिएको उल्लेख गर्नुहुदै मुस्लिम समुदायको संस्कृतिको संरक्षण गर्न रमदानको महत्त्वपूर्ण भूमिका रहने केनिद्रय सदस्य कोइरालाले बताउनुभयो ।

रमदान सुरु भएको अवसरमा एक महिनाभर भोक तिर्खा बिर्सेर गरिने भक्तिले आदर्श जीवनयापनको माग देखाएको उहाँले उल्लेख गर्नुभयो । त्यसैगरी नेपाली काङग्रेसका सुनसरी सभापति तथा इनरुवा नगरपालिकाका प्रमुख केदार भण्डारीले समेत मुस्लिम धर्मावलम्बीको महान पर्व रमदानको अवसरमा शुभकामना व्यक्त गर्नुभएको छ ।

उहाँले नेपालको संविधानको प्रस्तावनामै देशको बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधतायुक्त विशेषतालाई आत्मसात् गरिएको उल्लेख गर्नुहुदै जुनसुकै धर्म र संस्कृति अवलम्बन गर्ने हरेक नेपाली नागरिकको धार्मिक तथा सांस्कृतिक जीवनमा हर्षोल्लासका साथ सहभागी हुने अधिकार संविधानमा सुनिश्चित भएको बताउनुभयो ।

नेता कोइराला र भण्डारीले रमदानको अवसरमा शुभकामना व्यक्त गर्नुहुदै सबैमा सुःख समृद्धिको कामना गर्नुभयो ।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]