देवानगञ्ज। सुनसरीको देवानगञ्ज गाउँपालिकाको आयोजनामा भइरहेको ८ दिने मेलमिलाप सम्बन्धि तालिमको उद्घाटन गरिएको छ । असार ७ गते सम्म संचालन हुन गइरहेको मेलमिलाप सम्बन्धि तालिमको उद्घाटन पालिकाकी उपाध्यक्ष कुमारी बिभा यादवले गरेको थिइन ।
समाजमा भइरहेका विवादहरुलाइ स्थानिय स्तरबाटै समाधान गर्न र जनचेतना जोगाउने उदेश्यले आधारभुत तालिम दिइन लागिएको हो । साथै देवानगञ्ज गाउँपालिकाले हरेक वडामा मेलमिलाप समिती गठन गरि समाजलाइ सम्मुनत तर्फ डोर्याउने लक्ष समेत लिएको छ ।
कार्यक्रममा बोल्दै उपाध्यक्ष कुमारी विभा यादवले हरेक वडामा समिती गठन गरिने र तालिममा सिकाइएका कुराहरुलाइ ब्याबहारमा उतार्न सबैलाइ आग्रह गरेकि थिइन । कार्यक्रममा उपाध्यक्ष कुमारी विभा यादव, प्रमुख प्रसासकिय अधिकृत रामराज पौडेल, विभिन्न वडाका वडाअधक्षहरु र न्यायिक समितिका पदाधिकारीहरुको सहभागिता रहेको थियो ।
