१२ बैशाख २०८१, बुधबार
24-04-2024 , Wed
×

७० प्रहरीले गराए गिरी फाउन्डेसनद्वारा आयोजित स्वास्थ्य शिविरमा स्वास्थ्य जाँच

Logo
नमो संवाददाता प्रकाशित शनिबार, चैत्र ०३, २०८०

तस्विर : नमो अनलाईन

विराटनगर । पछिल्लो समय समाज सेवामा तल्लीन रहेका अभिषेक गिरीद्वारा स्थापित गिरी फाउन्डेसनको निःशुल्क स्वास्थ्य शिविरमा ७० जना प्रहरीले स्वास्थ्य जाँच गराएका छन् ।

फाउन्डेसनले पारस मल्टिस्पेसियालिटी हस्पिटलको समन्वयमा शनिबार बिहान जिल्ला प्रहरी कार्यालय मोरङको प्रांगणमा शिविरको आयोजना गरेको थियो ।

जसमा ७० प्रहरीले स्वास्थ्य जाँच गराएर निःशुल्क रूपमा औषधी लिएको फाउन्डेसनका अध्यक्ष अभिषेक गिरीले जानकारी दिए ।

विपन्न वर्गका बिरामीलाई मध्यनजर गर्दै आयोजना हुँदै आएको शिविरमा यसपटक जनताको सेवामा अनवरत रूपमा तल्लीन रहने प्रहरीलाई समेटिएको गिरीको भनाइ छ ।

‘आफ्नो स्वास्थ्यको ख्याल नराखी, घाम-पानी नभनी खट्ने प्रहरीका लागि शिविरको आयोजना गरेका हौं,’ उनले भने, ‘चेकजाँच गरी औषधी वितरण गर्‍यौं । डाक्टरहरूले केही बिरामीलाई थप उपचारका लागि अस्पताल जान सुझाउनु भएको छ ।’

फाउन्डेसनले प्रत्येक शनिबार निःशुल्क स्वास्थ्य शिविरलाई निरन्तरता दिइरहेको छ । हाल विराटनगरका १९ वटै वडामा र विस्तारै अरू पालिकामा पनि शिविर गर्ने योजना रहको गिरीले बताए ।

विपन्न वर्गका बिरामीले स्वास्थ्योपचार नपाइरहेको परिस्थितिलाई मध्यनजर गरेर स्वास्थ्य शिविर चलाइएको उनको भनाइ छ ।

पारस हस्पिटलका वरिष्ठ कन्सल्ट्यान्ट जनरल एवम् ल्याप्रोस्कोपी सर्जन डा. रफिउर रहमानले शिविरमा स्वास्थ्य जाँच गराउनेहरू सामान्य बिरामी रहेको सुनाए ।

उनले भने, ‘यहाँ जचाउनेमध्ये किड्नी र पित्तथैलीमा पत्थरी, पाइल्सलगायत समस्या मैले देखेँ । पर्याप्त एक्सरसाइज हुँदा पनि पानी कम पिउने बानीका कारण पनि स्वास्थ्य समस्या निम्तिएको देखियो ।’

पारस हस्पिटलका प्रबन्ध निर्देशक हेमनारायण मेहताले अस्पतालको पहुँचबाट टाढा रहेका विपन्न वर्गका सर्वसाधारणलाई मध्येनजर गरी निःशुल्क स्वास्थ्य शिविर आयोजना गर्न थालिएको बताए ।

शिविर गर्ने स्थानदेखि स्वास्थ्य सामग्रीसम्ममा लाग्ने खर्च व्यवस्थापनसम्म फाउन्डेसनले गर्ने र चेकजाँच अस्पतालले गर्दै आएको छ ।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]