१२ बैशाख २०८१, बुधबार
24-04-2024 , Wed
×

पुर्ण रुपमा पुल निर्माणको काम नसकिदा सर्वसाधारणलाई सास्ती

Logo
ब्रहमदेव मेहता प्रकाशित बुधबार, चैत्र ०७, २०८०

तस्विर : नमो अनलाईन

हरिनगर । हात्ति छिर्यो पुच्छर अड्कियो उखानसँग मिल्दो हरिनगरा देखि रामनगर भुटाहा जोड्ने पुलको अवस्था भएको छ । हुलाकी राजमार्ग अन्तर्गत रामनगर भुटाहा हरिनगर सडकखण्डमा पर्ने मर्‍या खोलाको पुल बनेपनि ठेकेदारको लापरवाहीका कारण सर्वसाधारणले सास्ती खेप्नु परेको छ। राष्ट्रिय गौरवको आयोजना हुलाकी राजमार्ग अन्तर्गत हरिनगर र रामनगर भुटाहा सडक खण्डमा पर्ने सो पुलको काम समयमा नसकिदा जिल्लाको सदरमुकाम पुग्नु पर्ने सुनसरी दक्षिणी भेगका जनतालाई आवतजावत गर्न असहज भई रहेको छ ।

राजमार्गको काम सम्पन्न भए पनि पुल निर्माणकोकाम आधाअधुरा छोडेर ठेकेदार वेपत्ता भएका छन् । राजमार्गको काम सुरु भए लगत्तै खोलामा पुल निर्माणको लागि सडक डिभिजन कार्यालय विराटनगरले विराटनगरकै कार्की बन्धु कन्सल्टेन्ट प्रालिलाई सो पुल निर्माण गर्नलाई ठेक्का दिएको थियो। वि.सं २०७४ साल माघ २६ गते ६ करोड ३३ लाख १९ हजार ५सय ठेक्का रकममा कार्की बन्धुलाई दुई वर्षमा निर्माणको काम सम्पन्न गर्ने गरी ठेक्का दिइएको थियो । तर तोकिएको समयबाहेक दुई पटक म्याद थप भए पनि पुल निर्माणको काम आधा मात्रै सकिएको थियो। दोस्रो पटक म्याद थप गर्दा समेत काम सम्पन्न गर्न सकेको थिएन त्यस पछि तेस्रो पटक म्याद थप गरिएको थियो।

पुलको काम पुर्ण रुपमा नसकिदा हरिनगरा र देवानगन्ज गाउँपालिकाका बासिन्दा बढी प्रभावित भएका छन् । त्यस्तै उखुकिसानहरु समेत प्रभावित भएका छन् । किसानले उतपादन गरेको उखु मिलसम्म पुर्याउन यही पुल पार गर्नु पर्छ तर पुल निर्माणकोकाम समयमा नसकिदा सास्ती खेप्नु परेको छ । दैनिक एक हजारको हाराहारीमा खोला तरेर ओहोरदोहोर गर्दै आएका स्थानीयहरूले जनप्रतिनिधि र ठेकेदारको लापरवाहीले पुलको काम समयमा सम्पन्न नभएको बताउँछन्।

उखु लग्दै गरेको एक किसानले भने पुल समयमा नबन्दा मिलसम्म उखु पुर्याउन कठिनाई भई रहेको छ । ठाडो ढलानले गर्दा उखु लोड गरेको गाडी पुलमा चढाउन निकै समस्या हुने गरेको छ । ट्याक्टर पल्टिने जोखिम पनि उतिकै छ तर जनप्रतिनिधिलाई भन्दा समेत कुनै ध्यान नदिएको बताउछन् ।

सो खोला विस २०१५ मा बीपी कोइराला प्रधानमन्त्री हुँदा भारतको लगानीमा सिँचाइको लागि सुनसरी खोलाबाट निकालिएको नहर हो। २०२६ सालमा सुनसरीको बाँध भत्किएपछि उक्त नहर खोलामा परिणत भएको हो। पटकपटक खोलामा बाँध बनाउने काम भए पनि दिगो नभएपछि २०४१ साल पछि मर्‍या खोलामा परिणत भएको बताइएको छ।

यस तर्फ सम्बन्धित निकायको ध्यान पुगोस् ।

 

कमेन्ट गर्नुहोस्
सम्बन्धित

सुनसरी । नेपाली मुस्लिम समाज सुनसरीले प्रधानमन्त्रि पुष्पकमल दाहाललाई ज्ञापन पत्र बुझाएका छन् । नेपाली मुस्लिम समाज सुनसरीका एक प्रतिनिधि मण्डलले विभिन्न माँग तथा ध्यानाकर्षण सहितको ज्ञापन पत्र जिल्ला प्रशासन कार्यालय सुनसरी मार्फत बुझाएको हो । सो ज्ञापन पत्रमा नेपाल बहुजातिय , बहुधार्मिक एवं बहुसाँस्कृतिले भरिएको देश हो । बहुजातिय , बहुभाषिक बहुधार्मिक , बहुसाँस्कृतिक […]

विराटनगर । मोरङमा सभा, सम्मेलन गर्न रोक प्रशासनले रोक लगाएको छ । विराटनगर १५ र १७ नम्बर वडामा बुधबार दुई समूहको झडप भएपछि जिल्ला प्रशासन कार्यालय मोरङले एक सूचना जारी गर्दै भेला र सम्मेलन गर्न रोक लगाएको हो । सहायक प्रमुख जिल्ला अधिकारी प्रदीपकुमार साहद्धारा जारी सूचनामा भनिएको छ, ‘जिल्ला सुरक्षा समितिमा छलफल भई मोरङ जिल्लाको […]

इलाम । बिदाबाहेक सधैंजसो अनिवार्य कार्यालयमा उपस्थित हुने धरान उपमहानरपालिकाका मेयर हर्क साम्पाङ मंगलबार भने कार्यालयमा थिएनन् । उनी इलाममा हुने चुनावी सभालाई सम्बोधन गर्न इलाम पुगेका छन् । उनले इलाम पुगेर इलाम २ मा डकेन्द्रसिं थेगिमलाई भोट गर्न अपिल गरेका छन् । मङ्गलबार यहाँ आयोजित चुनावी सभालाई सम्बोधन गर्दै साम्पाङले स्वतन्त्र उम्मेदवार थेगिमलाई भोट […]