तस्विर : ब्रहमदेव मेहता/नमो अनलाइन
देवानगञ्ज । सुनसरीको सिमावर्ती क्षेत्र देवानगञ्ज गाउँपालिका भित्र पर्ने देवानगञ्ज बजार स्थित अतिक्रमण गरेको हाटपलोटको जग्गा खाली गर्न पालिकाले शुक्रबार १० बजे सम्मको अल्टिमेटम दिएको छ ।
पालिकाले बिहिबार एक सुचना जारी गर्दै खालि गराउन निर्देशन दिएको हो। “प्रस्तुत विषयमा यस देवानगञ्ज गाउँपालिका, गाउँ कार्यपालिकाको मिति २०७९/०८/२३ गतेको बैठकको निर्णय अनुसार देवानगञ्ज गा.पा. वडा नं. २ स्थित देवानगञ्ज हाटबजारको स्वामित्वमा रहेको साविक देवानगञ्ज गा.वि.स. वडा नं. २, कि.नं. ७, ८, ११, १२, २३, २५, २६, २७, २८ र कि.नं. १०४ का जग्गाहरु विभिन्न व्यक्तिहरुले अतिक्रमण गरि भोगचलन गरिरहेकाले उक्त जग्गाहरु खालि गराउन ३५ दिने सूचना यस गा.पा. बाट जारी भएकोमा सो म्याद सकिसकेको अवस्था छ । सो सूचना उपर अतिक्रमित गरिएकाहरु मध्येका दिप नारायण भगत समेतले श्री सुनसरी जिल्ला अदालतमा मुद्दा नं. ०७९-CP-१५५५ भएको निषेधाज्ञा मुद्दा देवानगञ्ज गाउँपालिकाको कार्यालय, देवानगञ्ज समेतलाई प्रतिवादी बनाई मुद्दा दर्ता गराएकोमा कारवाही चली मिति २०८० / ०३/०४ गते श्री सुनसरी जिल्ला अदा बाट सो रिट निवेदन खारेज फैसला भएकोमा उपरोक्त अतिक्रमित जग्गाहरु खालि गराउन मिति २०८० / ०३ / ०८ गते दिन तोकिएको हुँदा सो अतिक्रमित जग्गामा पर्ने घर टहराहरु तथा अन्य अवरोधहरु मिति २०८० / ०३/०८ गते बिहान १०:०० बजे अगाडी हटाउनुहुन आदेश अनुसार अनुरोध छ अन्यथा उक्त घर टहराहरु तथा अन्य
अवरोधहरु भत्काइने व्यहोरा समेत यसै सूचना मार्फत जानकारी गराइन्छ ।” पालिकाले जारी गरेको सूचनामा भनिएको छ।
