१२ बैशाख २०८१, बुधबार
24-04-2024 , Wed
×

बराह सहकारीको ऋण सुल्याउने ‘आइडिया’ विरुद्ध उजुरी

Logo
नमो संवाददाता प्रकाशित आइतबार, चैत्र १८, २०८०

तस्विर : फाईल
विराटनगर ।  बराह वचत तथा ऋण सहकारी संस्थाको ‘बराह गोल्डेन प्रोजेक्ट’ विरुद्ध उजुरी परेको छ । लगानीकर्ताको निक्षेप फिर्ता नगरी लगानी बराबरको रकम थप्न लगाई दोब्बर मूल्यमा जग्गा बिक्री गर्दै ऋण दायित्व सुल्याउदै आएको गुनासोका आधारमा बराह सहकारी विरुद्ध जिल्ला प्रशासन कार्यालय सुनसरीमा उजुरी परेको हो ।
सहकारी बचतकर्ता संरक्षण राष्ट्रिय अभियान नामक संस्थाले धरानस्थित बराह वचत तथा ऋण सहकारी संस्थाका नाममा छानविन र आवश्यक कारबाहीका लागि जिल्ला प्रशासन कार्यालयमा उजुरी गरेको पत्र ‘ब्लाष्ट’लाई प्राप्त भएको छ ।
पत्रमा बराह सहकारीले निक्षेपकर्ताको रकम फिर्ता नदिइरहेको अवस्थामा संस्थाले ‘बराह गोल्डेन प्रोजेक्ट’ नामक कार्यक्रममार्फत प्रोप्राइटर इन्द्रकुमार राई रहेको जेसिका कन्स्ट्रक्सन एण्ड रियल स्टेट प्रालिमार्फत जग्गा बिक्रीवितरण गरिरहेको उल्लेख छ । सो रियलस्टेट कम्पनीमार्फत बजार मूल्यभन्दा बढीमा जग्गाको मूल्याङ्कन कायम गरी लगानीकर्तालाई लगानीको ५० प्रतिशत रकम थप्न लगाई कारोबार गरिरहेको गुनासो आएको उजुरीपत्रमा उल्लेख गरिएको छ ।
सहकारी बचतकर्ता संरक्षण राष्ट्रिय अभियान नामक संस्थाले बचतकर्ता तथा लगानीकर्ताको गुनासो र सञ्चारमाध्यममा आएका तथ्यहरुका आधारमा आवश्यक छानबिन गरी कारबाही गर्न निवेदन दिएको उल्लेख गरेको छ ।
सो अभियानका कोशी प्रदेश अध्यक्ष सपनकुमार तामाङले प्रशासनसमक्ष लिखित उजुरी दिएका हुन् ।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]