१२ बैशाख २०८१, बुधबार
24-04-2024 , Wed
×

कोशी गाउँपालिका स्थित जमुवा नहर चौकमा आगलागी हुँदा लाखौको छती

Logo
नमो संवाददाता प्रकाशित आइतबार, चैत्र १८, २०८०

तस्विर : नमो अनलाईन

इनरुवा । सुनसरीको कोशी गाउँपालिका ३ जमुवा नहर चौकमा भिषण आगलागी भएको छ । भिषण आगलागी हुँदा १० परिवारका १९ वटा घर जलेर नष्ट भएको छ । उक्त आगलागिमा करिब ८० लाख रुपियाँ बराबरको घर, मोटरसाईकल, सिटि रिक्सा, धान, चामल, गरगहना र चौपया क्षती भएको पीडितहरुले बताएका छन् । स्थानीय प्रत्यक्षदर्शी मोहमद मियाँका अनुसार आइतबार दिउँसो १ बजेको समयमा कोशी ३ स्थित नहर चौकमा भीषण आगलागी हुँदा सो बराबरको क्षति भएको हो ।

स्थानीय कादिर मियाँको घर नजिकै रहेको विधुतको पोलको तार सर्ट भई आगलागी हुँदा मियाँका साथै उहाँको बुबा महम्मद अन्सारी र दाई अबुल कलाम, छिमेकीहरु रशिद अन्सारी, इरफान अन्सारी, समला बानो अन्सारी, आरिफ अन्सारी, इस्माइल अन्सारी, समिउल्लाह अन्सारी र जैनुदिन अन्सारीको घर जलेको छ । पीडितहरुको फुस र जस्तापाता(टिना) ले छाएको घरका साथै खरले छाएको भान्साघर र गाई गोेठको घर सहित १९ वटा घर जलेर नष्ट भएको पीडित मियाँले जानकारी दिनुभएको छ ।

आगलागीलाई दुई घण्टा पछि कोशी गाउँपालिका, बराहक्षेत्र, इनरुवा, रामधुनी नगरपालिका र इटहरी उपमहानगरपालिकाबाट आएका दमकलका साथै स्थानीयवासी, नेपाल प्रहरी, सशस्त्र प्रहरी सहितको सहयोगमा नियन्त्रणमा लिएको थियो ।

जिल्ला प्रहरी कार्यालय सुनसरीमा प्रहरी नायव उपरीक्षक नवीनकृष्ण भण्डारीले दर्जन बढी घर जलेको र क्षती भएको अनुमान गरिएको जानकारी दिनुभयो । घटनास्थलमा प्रहरीले स्थालगत थप विवरण संकलन गर्ने कार्य र मुचुल्का गर्ने कार्य गरिरहेको प्रतिकृया दिनुभयो ।

सशस्त्र प्रहरी निरीक्षक पदम पुन सहितको टोली समयमा नै घटना स्थलमा पुगेर आगो निमाउने र दमकल बोलाउने काम समयमा नै गरेकाले करौडो क्षतीबाट जोगिएको स्थानीय पत्रकार पवन रौनीयारले जानकारी दिनुभयो । दिउसोको समयमा हावा बेसरी चलेकाले आगो नियन्त्रणमा लिन समस्या भएको थियो । केहीबेरमा पाँच वटा दमकल एकसाथ परिचालन भएकाले आगो नियन्णत्रमा आएको थियो ।

घटना भएको समाचार बाहिर आएपछि कोशी गाउँपालिकाका अध्यक्ष ऐयुव अंसारी, कोशी प्रदेश सभा सदस्य हाजि इसराईल मंसुरी सहितका जनप्रतिनिधिहरु घटना स्थल पुग्नुभएको छ । अग्नी पीडितलाई तत्काल राहतको व्यवस्था मिलाउने उहाँहरुले आवश्वाशन दिनुभएको स्थानीय मिकाईल आलमले जानकारी दिनुभयो ।

कमेन्ट गर्नुहोस्
सम्बन्धित

सुनसरी । नेपाली मुस्लिम समाज सुनसरीले प्रधानमन्त्रि पुष्पकमल दाहाललाई ज्ञापन पत्र बुझाएका छन् । नेपाली मुस्लिम समाज सुनसरीका एक प्रतिनिधि मण्डलले विभिन्न माँग तथा ध्यानाकर्षण सहितको ज्ञापन पत्र जिल्ला प्रशासन कार्यालय सुनसरी मार्फत बुझाएको हो । सो ज्ञापन पत्रमा नेपाल बहुजातिय , बहुधार्मिक एवं बहुसाँस्कृतिले भरिएको देश हो । बहुजातिय , बहुभाषिक बहुधार्मिक , बहुसाँस्कृतिक […]

विराटनगर । मोरङमा सभा, सम्मेलन गर्न रोक प्रशासनले रोक लगाएको छ । विराटनगर १५ र १७ नम्बर वडामा बुधबार दुई समूहको झडप भएपछि जिल्ला प्रशासन कार्यालय मोरङले एक सूचना जारी गर्दै भेला र सम्मेलन गर्न रोक लगाएको हो । सहायक प्रमुख जिल्ला अधिकारी प्रदीपकुमार साहद्धारा जारी सूचनामा भनिएको छ, ‘जिल्ला सुरक्षा समितिमा छलफल भई मोरङ जिल्लाको […]

इलाम । बिदाबाहेक सधैंजसो अनिवार्य कार्यालयमा उपस्थित हुने धरान उपमहानरपालिकाका मेयर हर्क साम्पाङ मंगलबार भने कार्यालयमा थिएनन् । उनी इलाममा हुने चुनावी सभालाई सम्बोधन गर्न इलाम पुगेका छन् । उनले इलाम पुगेर इलाम २ मा डकेन्द्रसिं थेगिमलाई भोट गर्न अपिल गरेका छन् । मङ्गलबार यहाँ आयोजित चुनावी सभालाई सम्बोधन गर्दै साम्पाङले स्वतन्त्र उम्मेदवार थेगिमलाई भोट […]