१२ बैशाख २०८१, बुधबार
24-04-2024 , Wed
×

प्रदेश सांसदले पुर्वाधार विकास कार्यालयका हाकिमलाई कुटे

Logo
नमो संवाददाता प्रकाशित आइतबार, चैत्र १८, २०८०

तस्विर : नमो अनलाईन

राजविराज । सप्तरीको राजविराज स्थित पुर्वाधार विकास कार्यालयका प्रमुख प्रविण प्रताप अधिकारीमाथि आईतबार कार्यालयमै कुटपिट भएको छ। सीके राउत नेतृत्वको जनमत पार्टीका प्रदेश सांसद महेशप्रसाद यादवले अधिकारीलाई कुटपिट गरेका हुन।

प्रदेश सभामा जनमत पार्टीका संसदीय दलका नेता एवम् मधेश प्रदेशका निवर्तमान शिक्षा मन्त्रीसमेत रहेका यादवले राजविराज नगरपालिका– १३, पिपराहीमा सामुदायिक भवन निर्माण र सोही वडाको बिषहरीयामा आरसीसी ढलान योजनाको चिट्ठी आफुले भनेको व्यक्तिलाई नदिएको भन्दै कुटपिट गरेको अधिकारीले वताए।

‘प्रदेश सरकारको रेडबुकमा रहेको १०÷१० लाख रुपैयाँको दुईवटा योजनाको चिट्ठी लिन राजविराज नगरपालिका वडा नं १३ का वडा सदस्य चन्द्रिका यादव आउनु भएको थियो’ अधिकारीले भने –‘तर, कर्मचारीहरुले दुवै योजना सञ्चालनका लागि कोटेसनको सुचना निस्किएको जानकारी दिएर पठाएका थिए।’

त्यसपछि वडा सदस्य यादवले सांसद यादवसँग फोनमै गुनासो गरेका थिए। लगत्तै कार्यालयमा पुगेका सांसद यादवले हातपात गरेको अधिकारीको भनाई छ। उनले हातपात गर्दा जनमत पार्टीबाटै निर्वाचित प्रदेश सभा सदस्य सकिल अली, शम्भु साह तथा जनमत पार्टीकै तर्फबाट निर्वाचित हनुमाननगर कंकालिनी नगरपालिकाका मेयर विरेन्द्र माझी समेत सँगै रहेको उनको भनाई छ।

निवर्तमान मन्त्री यादवले भने हातपातको कुरा अस्विकार गर्दै सामान्य धकेलाधकेल भएको वताए। योजनाको चिट्ठी दलाल मार्फत बिक्री गर्न खोजेकाले आवेशमा आएको उनको भनाई छ। सप्तरीका सीडीओ किरण थापाले कर्मचारीमाथि दुर्व्यवहार भएको जनकारी आएको वताए।

कमेन्ट गर्नुहोस्
सम्बन्धित

ढल्केवर । धनुषामा सडक दुर्घटनामा परी मंगलबार एक जना पत्रकारको मृत्यु भएको छ । धनुषाको मिथिला नगरपालिका–६ ढल्केवरमा मोटरसाइकल दुर्घटनामा परी २८ वर्षीय पत्रकार विनयकुमार यादवको मृत्यु भएको जिल्ला प्रहरी कार्यालय धनुषाले जनाएको छ । मंगलबार बिहान आफैँले चलाएको प्रदेश ०२–००६ प ३०३५ नम्बरकाे मोटरसाइकल ढल्केवर–जनकपुर सडकखण्डमा अनियन्त्रित भई सडक छेउको रेलिङमा ठोक्किएर पत्रकार यादव […]

काठमाडौँ । एक महिनादेखि मलद्वारमा बोतल बोकेर बाँचेका गोरखाका एक पुरुषको शल्यक्रिया गरेर बोतल निकालिएको छ। स्वास्थ्य निर्देशनालय गण्डकी प्रदेशका अनुसार गोरखा नगरपालिका–३ नरेश्वरका ५७ वर्षीय पुरुषको मलद्वारमा कीटनाशक औषधिको बोतल अड्किएको थियो। बोतल अड्किएर ठुलो आन्द्रा अवरुद्ध भएर त्यसको सङ्क्रमण शरीरमा फैलिँदै गएको अवस्थामा आइतबार बिहान उनको शल्यक्रिया गरिएको हो। सङ्क्रमण फैलिएको अवस्थामा गोरखा […]

काठमाडौं । एशियाका तीन मुलुक चीन, भारत र नेपाल तीनैवटाको राजधानी विश्वकै प्रदूषित शहरको शिर्ष ३ मा परेका छन् । एयर क्वालिटी इन्डेक्सका अनुसार आज चीनको राजधानी बेइजिङ सबैभन्दा प्रदूषित शहरको रुपमा मापन गरिएको छ । त्यस्तै, भारतको राजधानी दिल्ली दोस्रो प्रदूषित र नेपालको राजधानी काठमाडौं तेस्रो प्रदूषित रहेको पाइएको छ । प्रदूषित शहरहरुको सूचीको […]