तस्विर : नमो अनलाईन
हरिनगर । सुनसरीको हरिनगर गाउँपालिका स्थित रामनगर भुटाहामा एक युवालाई एक पछले सामुहिकरुपमा निर्घात कुटपिट गरेको छ ।
SEE परिक्षा दिन रामनगर भुटाहा स्थित बालकृष्ण उच्च माध्यमिक विद्यालय आएकी बहिनीलाई लिन आएका हरिनगर गाउँपालिका – ३ घर भएका जिवन मेहतालाई निर्घात कुटपिट गरिएको हो ।
सुरुआती जानकारी अनुसार जिवन मेहताले समाजिक सञ्जाल फेसबुकमा “मुस्लिम समुदाय र धार्मिक ग्रंथ कुरान” को बारेमा गलत तथा भ्रामक कुरा लेखेको बिषयलाई लिएर कुटपिट गरिएको जनाईएको छ।
हेर्दा घटना समान्य लागे पनि योजना बद्ध रुपमा गट्नालाई अन्जाम दिएको देखिन्छ। घर बनाउन प्रयोग गरिने छड्, बाँसको भाटा, पाईप, हेलिमेन्ट लिएर कुटपिट गरिएको भिडियोमा सहजै हेर्न सकिन्छ । साथै गेलन/जारमा कुटपिट गर्ने पक्षले पेट्रोल भरेर समेत ल्याएको जानकारी प्राप्त भएको छ ।
यता प्रत्यक्ष दर्शीहरुका अनुसार कुटपिट भईरहदा परिक्षा केन्द्रमा सुरक्षाको लागि खटिएका नेपाल प्रहरी र सशस्त्र प्रहरीले कुनै प्रकारको कदम नचालेको कारण भिड्ले उग्र रुप लिदै मेहतालाई निर्घात कुटपिट गरिएको हो ।
बिद्यालय अगाडीबाट कुटपिट गर्न सुरु गरेको भिड्ले मेहतालाई घिसार्दै बजारमा रहेको एक्सेल डेवलपमेंट बैंक सम्म लग्दा सम्म प्रहरी प्रसाशन टुलुटुलु हेरी रहेको एक प्रत्यक्ष दर्शिले नाम नबताउने शर्तमा नमो अनलाईन डटकमलाई बताए।
गम्भिर घाईते भएका मेहताको धरान स्थित बीपी स्वास्थ्य विज्ञान प्रतिष्ठानमा उपचार भईरहेको जनाईएको छ ।
यता सोही विषयमा नेपाल प्रहरी सुनसरी जिल्लाका प्रवक्तालाई ९८५२०५४७२८ मा सम्पर्क गर्न खोज्दा सम्पर्क हुन सकेन् ।
