१४ जेठ २०८१, सोमबार
27-05-2024 , Mon
×

दुई चौथाईभन्दा बढी सदस्यहरुको लिखित अनुरोधमा कोशी प्रदेश सभाको अधिवेशन आह्वन

Logo
गणेश लम्साल प्रकाशित बुधबार, चैत्र २८, २०८०

तस्विर : नमो अनलाईन

विराटनगर । मुख्यमन्त्री केदार कार्कीको सिफारिसको मितिभन्दा अगाडि नै कोशी प्रदेश सभाको अधिवेशन आह्वान भएको छ।

दुई चौथाईभन्दा बढी सदस्यहरुको लिखित अनुरोधमा प्रदेश प्रमुख परशुराम खापुंगले कोशी प्रदेश सभाको अधिवेशन ६ बैसाख २०८१ का लागि आह्वन गरेका हुन्।

मुख्यमन्त्री कार्कीले २५ चैतमा कोशी प्रदेश सभाको अधिवेशन ११ जेठमा बोलाउन सरकारकोतर्फबाट प्रदेश प्रमुखलाई सिफारिस गरेका थिए।

नेपालको संबिधानको धारा १८३ को उपधारा ३ बमोजिम दुई चौथाई सदस्यहरुको लिखित अनुरोधमा ६ बैसाखमा प्रदेश प्रमुखले कोशी प्रदेश सभाको अधिवेशन आह्वान गरेको प्रमुखको कार्यालयका प्रवक्त्ता नरेन्द्रकुमार श्रेष्ठले जानकारी दिए।

एमाले र माओवादी केन्द्रले सोमबार सरकारबाट सर्मथन फिर्ता लिएपछि मुख्यमन्त्री केदार कार्कीले अविश्वासको प्रस्ताव छल्न डेढ महिनापछि ११ जेठमा कोशी प्रदेश सभाकाो अधिवेशन आह्वान गर्न प्रदेश प्रमुखलाई सिफारिस गरेको आरोप लगाएका थिए।

उनीहरुले मुख्यमन्त्रीको सिफारिसभन्दा अगाडि नै गत सोमबार दुई चौथाई सांसदको हस्ताक्षरसहित प्रदेश सभाको विशेष अधिवेशन बोलाउन प्रदेश प्रमुखसमक्ष निवेदन दिएका थिए।

एमाले र माओवदीले सरकारबाट सर्मथन फिर्ता लिएपछि अल्पमतमा परेका मुख्यमन्त्री कार्कीले एक महिनाभित्र राजिनामा दिनुपर्ने वा संसदबाट विश्वासको मत लिन आग्रह गर्दै आएका छन्। विश्वासको मत पनि नलिए र राजीनामा पनि नदिएमा मुख्यमन्त्रीविरुद्ध संसदमा संकल्प प्रस्ताव पारित गराउने एमाले माओवादीको चेतावनी छ।

यता मुख्यमन्त्री काकीले चाहिँ आफू धारा १६८ को ५ अनुसार नियुक्त्त भएकोले राजिनामा पनि नदिने र विश्वासको मत पनि नलिने अडान लिँदै आएका छन्। उनले आफूलाई जबरजस्ती गरे न्यायका लागि अदालत जाने बताएका छन्।

कार्की २७ असोजमा कांग्रेसकाआठ बागी सांसद लिएर एमालेका ४० जना सांसदको सर्मथनमा धारा १६८ को ५ अनुसार कोशी प्रदेशको दोस्रो कार्यकालका लागि पाँचौँ मुख्यमन्त्री नियुक्त्त भएका थिए।

उनले गत १ कार्तिकमा प्रदेश सभाबाट विश्वासको मत लिएका थिए। तर, मुख्यमन्त्री कार्कीले सहकार्यमा धोका दिएको भन्दै सरकारमा सहभागी भएको एमाले पहिले नै सरकारबाट बाहिरिएको थियो। माओवादी केन्द्र eg] आफ्ना तीन मन्त्रीलाई २५ चैतमा राजीनामा दिन लगाएर सरकारबाट बाहिरिएको थियो।

कोशी प्रदेश सभामा एमालेका ४० कांग्रेसका २९ माओवादी केन्द्रका १३ राप्रपााका ६ एकीकृत समाजवादीका चार र जनता समाजवादीको एकजना सांसद छन्। कोशीमा बहुमतको सरकारका लागि ४७ सांसद आवश्यक पर्छ।

कमेन्ट गर्नुहोस्
सम्बन्धित

विराटनगर । विराटनगरको पोखरीया माध्यमिक विद्यालय देशभरमा उत्कृष्ट विद्यालय भएको छ । शिक्षा, विज्ञान तथा प्रविधि विकास मन्त्रालयले सार्वजनिक गरेको तथ्याङ्क अनुसार विराटनगरको पोखरिया मावि देशभरबाट पहिलो स्थानमा पर्न सफल भएको हो । पोखरिया माविबाट ३६० जना विद्यार्थीले ३.२ भन्दा बढी जीपीए ल्याएर देशभरका सामुदायिक विद्यालयमध्ये उत्कृष्ट बन्दै पहिलो नम्बरमा नाम समावेश भएको छ । […]

विराटनगर । कोशि प्रदेशस्थित गिरी फाउन्डेसनले मोरङ कारागारमा गरेको निःशुल्क स्वास्थ्य शिविरमा पाँच सयभन्दा बढी कैदीबन्दी लाभान्वित भएका छन् । शनिबार फाउन्डेसनले पारस हस्पिटलको समन्वयमा गरेको शिविरमा पाँच सयभन्दा बढी कैदीबन्दीहरूले सेवा लिएका हुन् । स्वास्थ्य शिविरमा थाइराइड, ब्लडप्रेसर, सुगर, दम र छालासम्बन्धी रोगलगायतको परीक्षण गरिएको पारस हस्पिटलका वरिष्ठ फिजिसियन डाक्टर सन्दीप पन्तले जानकारी दिए […]

काठमाडौं । काठमाडौं महानगरपालिकाले आफ्नो कार्यलय प्रवेशद्वारमा फोहोर फालेको भन्दै सडक विभाग अन्तरगत रहेको सडक डिभिजन काठमाडौंले गम्भिर ध्यानाकर्षण भएको जनाएको छ । शनिबार साँझ एक विज्ञप्ति जारी गर्दै मिनभवन स्थित कार्यालयको गेटमा महानगरपालिकाको मिनी टिप्परबाट कार्यालय परिसर छिर्न समेत अवरोध हुने गरी फोहोर फालिएको विषयमा गम्भीर ध्यानाकर्षण भएको जनाएको हो । डिभिजनको गेटमा देशकै ठुलो […]