तस्विर : नमो अनलाईन
इटहरी । इटहरी उपमहानगरपालिकाले खोला सरसफाइ अभियानलाई तीव्रता दिएको छ । खोला किनारामा रहेका दर्जनौँ संरचनाहरू हटाउँदै उपमहानगरले सफाइ अभियान थालेको थियो । अभियान थालेको १६ दिनमा सात किलोमिटर दुरी भित्रको क्षेत्रलाई सफाचट बनाएको छ ।
चैत १३ गतेबाट ट्याङ्रा खोलाको सिरान इटहरी २ बाट थालेको अभियान १६ दिन पार गर्दा वडा नम्बर ९ मा आइपुगेको छ । सो अवधिमा सात किलोमिटरको दुरी पार गरेको सफाई अभियानको संयोजक तथा वातावरण शाखाका प्रमुख पुष्पनारायण चौधरीले बताए ।
यस बिचमा १४ वटा आरसिसी (पक्की) घर तथा संरचना, दुई सय वटा भन्दा बढी सुँगुरको खोर, ढुङ्गाको वाल लगाइएका संरचनाहरू भत्काइएको संयोजक चौधरीले बताए ।
‘हामीले वडा नं २ बाट सुरु गरेको अभियान १५ दिन पूरा हुँदा ३,४,६, हुँदै वडा नं ९ मा प्रवेश गरेको छ । यसबिचमा ७ किलोमिटर खोला सफाई सकेका छौँ । चार किलोमिटर सफाई गर्न बाकी छ’ संयोजक चौधरीले प्रदेश खबरसँग भने ।
कतिपय स्थानमा भएका चर्च, ठुला भवन तथा संरचना भत्काउन कागज गरेर दुईदेखि १० दिनको समय दिएको समेत उनले बताए । बाँकी रहेको चार किलोमिटर क्षेत्रमा १० वटा आरसिसी भवन र अन्य धेरै संरचनाहरू रहेको संयोजक चौधरीले जानकारी दिए ।
यस्ता भवन तथा संरचनामध्ये निजी घर, सरकारी तथा सामुदायिक भवन, विद्यालय, चर्च समेत छन् । गाईबस्तुका गोठ, सुँगुर र बाख्राका खोर पनि छन् ।
इटहरी उपमहानगरपालिकाले गत चैत १३ गतेदेखि खोला सफाई अभियानसँगै टेङ्ग्रा कोरिडोर कार्यक्रमलाई पनि अगाडि बढाइरहेको छ ।
इटहरी उपमहानगरका तीन वटा एक्स्काभेटर र दुई वटा जेसिबीले टेग्राखोलाको क्षेत्राधिकार
