तस्विर : नमो अनलाईन
काठमाडौं । मरेको भेडाको मासु खाएर जुम्लामा एकै परिवारका ६ जना बिरामी परेका छन् । गुठिचौर गाउँपालिका–४ थामबाडामा जंगली विष खाएर मरेको भेडाको मासु खाँदा स्थानीय विष्णबहादुर अधिकारीको परिवारका सदस्यहरू बिरामी भएका हुन् ।
बिरामी हुनेमा ४० वर्षिय विष्णबहादुर, उनकी श्रीमती कमलदेवी, छोरा सुर्य, छोरीहरू सुक्ष्मा र सावित्री तथा ज्वाइँ राजेश खत्री छन् ।
अहिले उनीहरू सबैको कर्णाली स्वास्थ्य विज्ञान प्रतिष्ठान शिक्षण अस्पताल जुम्लाका उपचार भइरहेको छ । उनीहरूको अवस्था सामान्य रहेतापनि खतराबाट भने मुक्त नरहेकाे अस्पतालले जनाएकाे छ ।
