१६ जेठ २०८१, बुधबार
29-05-2024 , Wed
×

कांग्रेस परित्याग गरेका वीरेन्द्र केएम रास्वापा प्रवेश

Logo
नमो अनलाईन प्रकाशित बिहिबार, आषाढ २१, २०८०

देवानगञ्ज । पत्रकार वीरेन्द्र केएमको नामबाट प्रसिद्ध बिरेन्द्रकुमार मेहता राष्ट्रिय स्वतन्त्र पार्टीमा प्रवेश गरेका छन् ।

रास्वपाका सभापति रवी लामिछानेले उनलाई पार्टीमा प्रवेश गराएका हुन् । सुनसरी स्थित देवानगंजका स्थायी बासिन्दा रहेका केएम केहि दिन अघि मात्र सार्वजनिक रूपमा नेपाली कांग्रेस परित्याग गरेका थिए ।

अन्तराष्ट्रिय पत्रकारको रूपमा स्थापित केएम सुनसरी २ बाट संसदीय राजनीति गर्ने भन्दै केहि वर्ष अघि नेपाली कांग्रेसमा समाहित भएपनि कांग्रेसले संसदीय टिकट नदिएपछी उनी पार्टीमा असन्तुष्ट रहेका थिए ।

नेपाली कांग्रेस परित्याग गरेपछि उनले जनमत पार्टीका अध्यक्ष सिके राउत र रास्वपा सभापति रवी लामिछानेसँग भेटघाट तथा छलफल भैरहेको बताएका थिए ।

केएमलाई अब बस्ने रास्वपा केन्द्रिय कार्यसमितिको बैठकबाट केन्द्रिय सदस्य र रिसर्च तथा अनुसन्धान विभागमा जिम्मेवारी दिने सम्झदारी रहेको रास्वपाका एक नेताले बताए ।

यता रास्वपाको कोशी प्रदेश समितिले केएमलाई जनसम्पर्क विभागको प्रदेश उपप्रमुखको जिम्मेवारी दिएर नाम सार्वजनिक गरेको छ ।

दुई दशकदेखि पत्रकारितामा रहेका केएम नागरिक टाइम्सका सम्पादक र एबिपी न्युज नेटवर्क, ईन्डियाका नेपाल संवाददाता हुन् ।

उनी त्रिभुवन विश्वविद्यालय अन्तरगत आर आर कलेज काठमाडौंबाट पत्रकारिता र राजनीतिशास्त्रमा स्नातकोत्तर गरेका छन् ।

कमेन्ट गर्नुहोस्
सम्बन्धित

काठमाडौं । सरकारले भूकम्पपछिको पुनर्निर्माणका लागि २१ अर्ब ६० करोड बजेट विनियोजन गरेको छ। आगामी आवको बजेट प्रस्तुत गर्दै अर्थमन्त्री वर्षमान पुनले जाजरकोट, डोटी र बझाङ केन्द्रविन्दु भएर गएका भूकम्पपछिको पुनर्निर्माणलाई प्राथमिकतामा राखिएको बताए। पुनर्निर्माणका लागि एकीकृत तथ्यांक संकलन गरिनेछ। विपत् प्राधिकरणको तथ्यांकअनुसार १५ जिल्लामा निजी आवाससँगै सरकारी भवन पुनर्निर्माण गर्नुपर्नेछ।

काठमाडौं । सरकारले विदेशी पर्यटकलाई नेपालमा विवाह गर्न प्रोत्साहन गर्ने भएको छ । संघीय संसदमा आगामी आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले उक्त घोषणा गरेका हुन् । जनकपुरलाई वेडिङ र लुम्बिीनीलाई बर्थिङ हबका रुपमा विकास गरिने कार्यक्रम बजेटमा समावेश गरिएको अर्थमन्त्रीले बताए ।

कुनै पनि शुभ कार्य गर्दा सवैभन्दा पहिले भगवान गणेको पूजा गरिन्छ । मंगलाचरणको शुरुवात नै श्री गणेशाय नमः बाट शुरु हुन्छ । भगवान गणेशको पूजा गर्नाले सुख शान्ति र समृद्धि छाउने विश्वास गरिन्छ । धन तथा बैभवको हिसावमा मंगलबार शुभ मानिन्छ । मंगलबार व्रत बसेर पूजा आराधाना गर्नाले मनोकामना पूरा हुने विश्वास गरिन्छ । सुख, […]