०७ जेठ २०८१, सोमबार
20-05-2024 , Mon
×

आठ महिनामा पाथीभरा मन्दिरमा पुगे १ लाख ६८ भत्तजन

Logo
नमो संवाददाता प्रकाशित आइतबार, बैशाख ०२, २०८१

तस्विर : नमो अनलाईन

ताप्लेजुङ । आठ महिनामा ताप्लेजुङस्थित पाथीभरा मन्दिरमा १ लाख ६८ हजार बढी दर्शनार्थीले मन्दिरको दर्शन गरेका छन् । गत साउन देखि चैत मसान्त सम्ममा सो सङ्ख्यामा दर्शनार्थीले दर्शन गरेका हुन् ।

चालू आर्थिक वर्षको ९ महिना पूरा हुँदा १ लाख ६८ हजार ४ सय ६८ जनाले पाथीभरा मन्दिरको दर्शन गरेको जनाइएको छ ।
सबैभन्दा बढी चैत महिनामा ५२ हजार ४ सय ५५ जनाले मन्दिरको दर्शन गरेका छन् ।

कात्तिक महिनामा ४९ हजार १ सय ६३ जनाले मन्दिरको दर्शन गरेको
पाथीभरा क्षेत्र विकास समितिका कार्यकारी निर्देशक प्रजीन हाङवाङले जानकारी दिए । उनका अनुसार साउन महिनामा १ हजार १ सय २२, भदौमा ५ हजार र असोजमा १० हजार ३ सय ४३ जनाले मन्दिरको दर्शन गरेका थिए ।

यस्तै मङ्सिरमा २० हजार ४ सय १६, पुसमा ५ हजार ६ सय ५५, माघमा ६ हजार ४ सय १ र फागुनमा १७ हजार ९ सय १२ जनाले पाथीभरा मन्दिरको दर्शन गरेको पाथीभरा क्षेत्र विकास समितिले जानकारी दिएको छ ।

चैत महिनामा मात्र ७५ लाख बढी रुपैयाँ जम्मा भएको पाथीभरा क्षेत्र विकास समितिले जनाएको छ ।

कार्यकारी निर्देशक हाङवाङका अनुसार चैत महिनामा ७५ लाख ७ हजार १ सय ५ रुपैयाँ भेटी बापत नगद सङ्कलन भएको छ ।

क्षेत्र विकास समितिले पछिल्लो समय भेटीबापतको सङ्कलित रकम मासिक रूपमा सार्वजनिक गर्दै आएको छ ।

कमेन्ट गर्नुहोस्
सम्बन्धित

विराटनगर । सशस्त्र प्रहरी बल, नेपालको प्रवक्ताको जिम्मेवारी सशस्त्र प्रहरी नायव महानिरीक्षक (डिआइजी) कुमार न्यौपानेलाई दिइएको छ। यसअघि प्रवक्ता रहेका सशस्त्र प्रहरी वरिष्ठ उपरीक्षक (एसएसपी) राजेन्द्र खड्काको सशस्त्र प्रहरी बल, नेपाल यू.एन. शान्ति स्थापना तालिम शिक्षालय ककनी नुवाकोटमा समादेशकको जिम्मेवारीमा सरुवा भएको छ। उनको सरूवा भएसँगै न्यौपानेलाई प्रवक्ताको जिम्मेवारी दिइएको हो। डिआइजी न्यौपाने यसअघि सशस्त्र […]

विराटनगर । जनकपुरबाट वीरगन्ज तर्फ आउँदै गरेको ना ४ ख ४१२४ नम्बरको यात्रुवाहक बस राजमार्गको उत्तरतर्फ दुर्घटना भएको छ । दुर्घटनामा बसमा सवार ३२ जना यात्रु घाइते भएको जिल्ला ट्राफिक प्रहरी कार्यालय चन्द्रनिगाहपुरका प्रमुख सुशील आचार्यले जानकारी दिए । दुर्घटनामा परेर सर्लाही बरहथवा–४ का अकल बहादुर विक, बरहथवा–५ का रुबी बेगम र उनको छोरा मोहम्मद […]

ताप्लेजुङ । मुलुकको प्रसिद्ध शक्तिपीठ पाथीभरमा एक महिनामा रु ६९ लाख ३२ हजार चार सय भेटी सङ्कलन भएको छ । वैशाखमा सङ्कलन भएको भेटी पाथीभरा क्षेत्र विकास समितिले बुधबार सार्वजनिक गरेको हो । समितिका कार्यकारी निर्देशक प्रजिन हाङबाङले  सङ्कलित भेटी  बैंक दाखिला गरिएको बताउनुभयो । समितिले मन्दिरमा चढाइएको भेटी हरेक महिना सार्वजनिक गर्दै आएको छ । […]