१४ जेठ २०८१, सोमबार
27-05-2024 , Mon
×

चैत मसान्तसम्म दुई सय १६ जना पक्राउ

Logo
नमो संवाददाता प्रकाशित सोमबार, बैशाख ०३, २०८१

तस्विर : नमो अनलाईन

बाँके । जिल्ला प्रहरी कार्यालय बाँकेले यो आर्थिक वर्षको चैत मसान्तसम्म नौ महिनाको अवधिमा विभिन्न मुद्दामा एक सय २१ वर्ष कैद सजाय सुनुवाइ भएका दुई सय १६ जना अभियुक्तलाई पक्राउ गरेको जनाएको छ ।

जिल्ला प्रहरी कार्यालयमा आयोजना गरिएको पत्रकार भेटघाटमार्फत बाँके प्रहरीका सूचना अधिकारी प्रहरी नायव उपरीक्षक नारायण डाँगीले यो आर्थिक वर्षको चैत मसान्तसम्म नौ महिनाको समय अवधिमा विभिन्न मुद्दाका एक सय २१ वर्ष दुई महिना चार दिन कैद सजाय तोकिएका दुई सय १६ जना अभियुक्तलाई पक्राउ गरिएको जानकारी दिनुभयो । उनीहरूबाट २३ लाख ४७ हजार ७७८ हजार रुपियाँ जरिवाना वापत् राजस्व सङ्कलन भएको उहाँले बताउनुभयो ।

गत आर्थिक वर्षको सोही समय अवधिमा दुई सय ६८ वर्ष दुई महिना दुई दिन कैद सजाय तोकिएका एक सय ७७ जनालाई पक्राउ गरिएको र उनीहरूबाट सात लाख ४६ हजार ९८३ रुपियाँ राजस्व सङ्कलन भएको प्रनाउ डाँगीले जानकारी दिनुभयो ।

यो आर्थिक वर्षको चैत मसान्तसम्ममा एक हजार ८६ वटा विभिन्न शीर्षकमा मुद्दा दर्ता भएको र सोसँग सम्बन्धित पाँच हजार ८१ जना व्यक्तिलाई अनुसन्धानका लागि पक्राउ गरिएको उहाँले बताउनुभयो । जसमध्ये कर्तव्य ज्यान, जबरजस्ती करणी, मानव बेचबिखनलगायतका जघन्य प्रकृतिका ६४ वटा मुद्दा दर्ता भएको र ५४ वटा मुद्दा फर्छ्यौट भएको छ ।

लागू औषध सम्बन्धी एक सय ३० वटा मुद्दामा संलग्न दुई सय ६ जनालाई पक्राउ गरिएको छ । सवारी दुर्घटनाका ४७ मुद्दा दर्ता भएको छ । उक्त दुर्घटनामा परी ४६ जनाको ज्यान गएको छ भने पाँच जना घाइते बनेका छन् । सवारी दुर्घटना मुद्दामा संलग्न ३७ जनालाई पक्राउ गरिएको प्रनाउ डाँगीले जनाकारी दिनुभयो ।

त्यसै गरी अवैध भन्सार छली चोरी पैठारीबाट दुई करोड २९ हजार ६० रुपियाँ राजस्व सङ्कलन गरिएको छ । उक्त कार्यमा संलग्न ३७ जनालाई पक्राउ गरिएको र ४० वटा सवारी साधन बरामद गरिएको छ । घरेलु हिंसा सम्बन्धी पाँच सय ९२ मुद्दा दर्ता भएका छन् । जसमध्ये पाँच सय १९ वटा महिला पीडित र ७३ वटा पुरुष पीडित सम्बन्धी रहेको उहाँले जानकारी दिनुभयो ।

बैङ्किङ कसुरका दुई सय ८, ठगी तथा आपराधिक लाभका १८ र जुवाका तीन गरी आर्थिक अपराध सम्बन्धी दुई सय २९ मुद्दा दर्ता भएका छन् । साइबर अपराध सम्बन्धीको सामाजिक सञ्जाल प्रयोग गरी आर्थिक लाभ लिएको १८ वटा मुद्दा दर्ता भएकोमा पाँच वटा फर्छ्यौट भएको र १३ वटा अनुसन्धानमा रहेका छन् । सामाजिक सञ्जाल प्रयोग गरी चरित्र हत्या गरेका ८० वटा उजुरी परेकोमा दुई वटा फर्छ्यौट गरिएको र बाँकी ७८ वटा सम्बन्धित निकायमा पठाइएको छ ।

यस वर्षको चैत मसान्तसम्ममा समुदाय प्रहरी साझेदारीमार्फत विभिन्न चार सय ३२ वटा सचेतनामूलक कार्यक्रम गरिएको र जसबाट २० हजार २६३ जना लाभान्वित भएको बाँके प्रहरीले जनाएको छ ।

सोही अवसरमा बाँके जिल्लाको प्रहरी प्रमुखको जिम्मेवारी सम्हाल्न आउनुभएका नयाँ प्रहरी प्रमुख प्रहरी उपरीक्षक तुलबहादुर कार्कीसँग पनि पत्रकार परिचयात्मक कार्यक्रम गरिएको थियो ।

कमेन्ट गर्नुहोस्
सम्बन्धित

विराटनगर । विराटनगरको पोखरीया माध्यमिक विद्यालय देशभरमा उत्कृष्ट विद्यालय भएको छ । शिक्षा, विज्ञान तथा प्रविधि विकास मन्त्रालयले सार्वजनिक गरेको तथ्याङ्क अनुसार विराटनगरको पोखरिया मावि देशभरबाट पहिलो स्थानमा पर्न सफल भएको हो । पोखरिया माविबाट ३६० जना विद्यार्थीले ३.२ भन्दा बढी जीपीए ल्याएर देशभरका सामुदायिक विद्यालयमध्ये उत्कृष्ट बन्दै पहिलो नम्बरमा नाम समावेश भएको छ । […]

विराटनगर । कोशि प्रदेशस्थित गिरी फाउन्डेसनले मोरङ कारागारमा गरेको निःशुल्क स्वास्थ्य शिविरमा पाँच सयभन्दा बढी कैदीबन्दी लाभान्वित भएका छन् । शनिबार फाउन्डेसनले पारस हस्पिटलको समन्वयमा गरेको शिविरमा पाँच सयभन्दा बढी कैदीबन्दीहरूले सेवा लिएका हुन् । स्वास्थ्य शिविरमा थाइराइड, ब्लडप्रेसर, सुगर, दम र छालासम्बन्धी रोगलगायतको परीक्षण गरिएको पारस हस्पिटलका वरिष्ठ फिजिसियन डाक्टर सन्दीप पन्तले जानकारी दिए […]

काठमाडौं । काठमाडौं महानगरपालिकाले आफ्नो कार्यलय प्रवेशद्वारमा फोहोर फालेको भन्दै सडक विभाग अन्तरगत रहेको सडक डिभिजन काठमाडौंले गम्भिर ध्यानाकर्षण भएको जनाएको छ । शनिबार साँझ एक विज्ञप्ति जारी गर्दै मिनभवन स्थित कार्यालयको गेटमा महानगरपालिकाको मिनी टिप्परबाट कार्यालय परिसर छिर्न समेत अवरोध हुने गरी फोहोर फालिएको विषयमा गम्भीर ध्यानाकर्षण भएको जनाएको हो । डिभिजनको गेटमा देशकै ठुलो […]