०७ जेठ २०८१, सोमबार
20-05-2024 , Mon
×

संघीय सरकारले बजेट कटौती गर्दा विकास निर्माणको काम प्रभावित

Logo
अजित झा प्रकाशित सोमबार, बैशाख ०३, २०८१

तस्विर : नमो अनलाईन

इनरुवा । सुनसरी सदरमुकाम समेत रहेको इनरुवा नगरपालिकालाई संघीय सरकारले दिदै आएको अनुदान लगायतका अन्य शीर्षकबाट बजेट कटौती गर्दा आगामी आर्थिक वर्षमा विकास निर्माणको कार्य प्रभावित हुने भएको छ ।

संघीय सरकारले वित्तिय सामान्यीकरण अनुदान तर्फ तेस्रो किस्ताको रकम पठाउँदा पछिल्लो समय दुई करोड ४७ लाख ७७ हजार पाँच सय रुपैयाँ मात्र पठाउदा समस्या भएको हो ।

संघीय सरकारले पठाएको रकममा एक करोड ७२ लाख ७२ हजार पाँच सय अपुग भएको इनरुवा नगरपालिका लेखा शाखा प्रमुख अशोककुमार मेहताले बताउनुभयो ।

संघीय सरकारले एक आर्थिक वर्षमा चार किस्तामा वित्तिय सामान्यीकरणको अनुदान रकम पठाउने गरेकोमा १६ करोड ८२ लाख पहिलो र दोस्रो किस्तामा आउनुपर्ने भएपनि आठ करोड ४१ लाख मात्र संघीय सरकारले पठाएकोमा अब अन्तिम किस्ता कति आउने बिषयमा कुनै टुंगो नलागेका कारणले झन् समस्या भएको लेखा अधिकृत मेहताले बताउनुभयो ।

संघीय सरकारले राजस्व बाँडफाँडबाट हरेक महिना एक करोड ९१ लाख तीन हजार २५० रुपैयाँ पठाउनु पर्नेमा फागुन मसान्तसम्म ७२ लाखका दरले हरेक महिना पैसा आएको र ८ महिनाको अवधिमा आठ करोड ७३ लाख ६ हजार आउनुपर्नेमा पाँच करोड ७६ लाख सात हजार ७९.८९ रुपैयाँ मात्र आएको इनरुवा नगरपालिकाका लेखा अधिकृत मेहतालले बताउनुभयो ।

इनरुवा नगरपालिकाले आर्थिक वर्ष २०८०÷०८१ का लागि ८३ करोड ७० लाख चार हजार दुई सय ९१ रुपैयाँ आयव्यय सार्वजनिक गरेको थियो । संघीय सरकारले वित्तिय सामान्यीकरण अनुदान र राजस्व बाँडफाँड कम पठाउँदा भुक्तानी गर्नुपर्ने दायित्व आगामी आर्थिक वर्ष सरेर जाने भएकाले विकास निर्माणको कार्यमा गम्भीर असर पुग्ने उहाँले बताउनुभयो ।

इनरुवा नगरपालिकाले संघीय सरकारबाट आउने बजेटको ठेक्का लगाउने कार्य भइसेकाले बजेट कटौती भएपनि आगामी वर्ष नयाँ योजना सञ्चालन गर्न कठिनाई हुने इनरुवा नगरपालिकाका लेखा अधिकृत मेहताले बताउनुभयो ।

संघीय सरकारले बजेट कटौती गरेर पठाउदा नयाँ योजना प्रभावित भएको, नयाँ बिकास निर्माणको कार्य सञ्चालन गर्नका लागि समस्या भएको, भइरहेको बिकास निर्माणका कार्यको भुक्तानी अर्को आर्थिक बर्षमा सरेर जाने भएको, नयाँ आर्थिक बर्षमा भुक्तानीको भार बढने भएकाका कारणले झन् समस्या भएको इनरुवा नगरपालिकाका लेखा अधिकृत मेहताले बताउनुभयो ।

सबै भन्दा पुरानो नगरपालिकाको रुपमा रहेको इनरुवा नगरपालिकामा संघीय सरकारले बजेट कटौती गरेर पठाउदा जनताले अपेक्षा गरे अनुरुको विकास निर्माणको कार्य समेत नहुने भएको उहाँले बताउनुभयो ।

कमेन्ट गर्नुहोस्
सम्बन्धित

विराटनगर । सशस्त्र प्रहरी बल, नेपालको प्रवक्ताको जिम्मेवारी सशस्त्र प्रहरी नायव महानिरीक्षक (डिआइजी) कुमार न्यौपानेलाई दिइएको छ। यसअघि प्रवक्ता रहेका सशस्त्र प्रहरी वरिष्ठ उपरीक्षक (एसएसपी) राजेन्द्र खड्काको सशस्त्र प्रहरी बल, नेपाल यू.एन. शान्ति स्थापना तालिम शिक्षालय ककनी नुवाकोटमा समादेशकको जिम्मेवारीमा सरुवा भएको छ। उनको सरूवा भएसँगै न्यौपानेलाई प्रवक्ताको जिम्मेवारी दिइएको हो। डिआइजी न्यौपाने यसअघि सशस्त्र […]

विराटनगर । जनकपुरबाट वीरगन्ज तर्फ आउँदै गरेको ना ४ ख ४१२४ नम्बरको यात्रुवाहक बस राजमार्गको उत्तरतर्फ दुर्घटना भएको छ । दुर्घटनामा बसमा सवार ३२ जना यात्रु घाइते भएको जिल्ला ट्राफिक प्रहरी कार्यालय चन्द्रनिगाहपुरका प्रमुख सुशील आचार्यले जानकारी दिए । दुर्घटनामा परेर सर्लाही बरहथवा–४ का अकल बहादुर विक, बरहथवा–५ का रुबी बेगम र उनको छोरा मोहम्मद […]

ताप्लेजुङ । मुलुकको प्रसिद्ध शक्तिपीठ पाथीभरमा एक महिनामा रु ६९ लाख ३२ हजार चार सय भेटी सङ्कलन भएको छ । वैशाखमा सङ्कलन भएको भेटी पाथीभरा क्षेत्र विकास समितिले बुधबार सार्वजनिक गरेको हो । समितिका कार्यकारी निर्देशक प्रजिन हाङबाङले  सङ्कलित भेटी  बैंक दाखिला गरिएको बताउनुभयो । समितिले मन्दिरमा चढाइएको भेटी हरेक महिना सार्वजनिक गर्दै आएको छ । […]