१६ जेठ २०८१, बुधबार
29-05-2024 , Wed
×

विद्युत प्राधिकरण सुनसरीको चरम लापरवाही, उपभोक्ता मारमा 

Logo
ब्रहमदेव मेहता प्रकाशित बुधबार, आषाढ २७, २०८०

तस्विर : ब्रहमदेव मेहता/नमो अनलाइन

देवानगञ्ज । सुनसरीको देवानगञ्ज गाउँपालिका स्थित नेपाल विधुत प्राधिकरण सुनसरी वितरण शाखाको लापरवाहीको कारण सर्वसाधारण मारमा परेका छन् ।

के यो नाटक हो ? लाईन एकै छिन जाने एकै छिन आउने ? कहिले गएपछि घण्टौ सम्म नआउँने । कहिले एक घण्टामा एकसय पटक आउने जाने गर्ने । यस्तो पनि हुन्छ ? विद्युत प्राधिकरणलाई जे गरेपनि छुट छ ? यस्तो मनलाग्दी गर्न पाइन्छ ? देवानगञ्ज गाउँपालिका २ बस्ने नाम उल्लेख नगर्ने सर्तमा यसरी एकोहोरो रुपमा आक्रोस मात्र पोख्नु भएन नेता र पत्रकारलाई पनि बाँकी राख्नुभएन ।

 

‘विद्युत हाकिमले जे गरेपनि हुने । यहाँका नेता खै । पत्रकारहरु खै । कि नेता र पत्रकारका घरमा बिजुली बत्ती जाँदैन र ? यदि जान्छ भने के तमासा हो ? बोल्ने मान्छे नबोल्ने हामी जनता बोलेको कसले सुन्छ ?’ स्थानीयहरुले गुनासो पोख्नुभयो । नेपाल विद्युत प्राधिकरण वितरण शाखा सुनसरीको चरम लापरवाहीका कारण विद्युत अनियमित भएपछि उपभोक्ताले यसरी चर्को रुपमा आक्रोस पोेख्न थालेका छन् ।

 

विना जानकारी घण्टौ लाईन काट्नु, बेला बेलामा आउने बढी करेन्ट प्रवाह(हाइभोल्टेज) को कारण वारम्वार सर्ट सर्किट भइ पडक्नाले कयौंपटक पटक सर्वसाधारण घाइते भएका छन् भने ट्रान्सफरमरहरु सडकदेखि जम्मा ६ फिट मात्र माथी राखेको कारण दुर्घटना निम्त्याउने खतरा रहेको स्थानीयहरुले गुणासो गरेका छन् ।

 

प्राधिकरणको भनाइ अनुसार एउटा ट्रान्सफरमर राख्न दुई घण्टा लाग्छ। तर धरातलमा भने त्यही काम कर्मचारीहरुको लापरबाहीले गर्दा पाँच घण्टा सम्ममा पनि काम सकिँदैन। काम भगवान् भरोसे छोडेर कर्मचारीहरु अफिसमा बसी रहन्छ। फोन गर्दा फोन उठाउँदैनन् उठाए पनि गैर जिम्मेवारी तरिकाले जवाफ दिन्छ।

बुधबार देवानगञ्ज गाउँपालिका भवन अगाडिमा ट्रान्सफरमर जडान गर्ने कार्यले गर्दा लाईन काटिएको थियो तर जडान गर्ने ज्यामिहरु काम छोडेर पसलमा बसेर गफ दिदै थिए। स्थानीयहरुले भन्दा पनि अटेर गर्दै गई रहेको थियो।

यता सोही बिषयमा देवानगञ्ज गाउँपालिकामा प्राधिकरणको काम हेर्ने सुरेश यादवलाई ९८६०७७८५१० मा सम्पर्क गर्दा गैर जिम्मेवार तरिकाले जवाफ दिए र फोन काटी दिनुभयो र पुनः दुई पटक सम्पर्क गर्न खोज्दा फोन रिसिभ भएन।

कमेन्ट गर्नुहोस्
सम्बन्धित

काठमाडौं । सरकारले भूकम्पपछिको पुनर्निर्माणका लागि २१ अर्ब ६० करोड बजेट विनियोजन गरेको छ। आगामी आवको बजेट प्रस्तुत गर्दै अर्थमन्त्री वर्षमान पुनले जाजरकोट, डोटी र बझाङ केन्द्रविन्दु भएर गएका भूकम्पपछिको पुनर्निर्माणलाई प्राथमिकतामा राखिएको बताए। पुनर्निर्माणका लागि एकीकृत तथ्यांक संकलन गरिनेछ। विपत् प्राधिकरणको तथ्यांकअनुसार १५ जिल्लामा निजी आवाससँगै सरकारी भवन पुनर्निर्माण गर्नुपर्नेछ।

काठमाडौं । सरकारले विदेशी पर्यटकलाई नेपालमा विवाह गर्न प्रोत्साहन गर्ने भएको छ । संघीय संसदमा आगामी आर्थिक वर्ष २०८१/८२ को बजेट प्रस्तुत गर्दै अर्थमन्त्री वर्षमान पुनले उक्त घोषणा गरेका हुन् । जनकपुरलाई वेडिङ र लुम्बिीनीलाई बर्थिङ हबका रुपमा विकास गरिने कार्यक्रम बजेटमा समावेश गरिएको अर्थमन्त्रीले बताए ।

कुनै पनि शुभ कार्य गर्दा सवैभन्दा पहिले भगवान गणेको पूजा गरिन्छ । मंगलाचरणको शुरुवात नै श्री गणेशाय नमः बाट शुरु हुन्छ । भगवान गणेशको पूजा गर्नाले सुख शान्ति र समृद्धि छाउने विश्वास गरिन्छ । धन तथा बैभवको हिसावमा मंगलबार शुभ मानिन्छ । मंगलबार व्रत बसेर पूजा आराधाना गर्नाले मनोकामना पूरा हुने विश्वास गरिन्छ । सुख, […]